اسلام آباد: پشاور زلمی نے بھی پاکستان سپر لیگ (پی ایس ایل) کے ساتھ فرنچائز معاہدے کی 10 سال کے لیے تجدید کر دی۔
پشاور زلمی نے ای وائی مینا کی ویلیوایشن کے بعد معاہدے کی تجدید کی۔ پشاور زلمی کی ملکیت آئندہ دہائی میں بھی موجودہ مالکان کے پاس رہے گی۔
پی ایس ایل کے 11ویں ایڈیشن میں اگلے سال 8 ٹیمیں حصہ لیں گی۔
چیئرمین پاکستان کرکٹ بورڈ (پی سی بی) محسن نقوی نے کہا کہ جاوید آفریدی کی قیادت میں زلمی پاکستان کی مقبول ترین فرنچائز بن گئی ہے۔ جبکہ جاوید آفریدی کا ویژن زلمی اور پی ایس ایل دونوں کے لیے مضبوط اساس ہے۔
پی ایس ایل کے سی ای او سلمان نصیر نے کہا کہ پشاور زلمی کا معاہدے کی تجدید کرنا پی ایس ایل پر اعتماد کا مظہر ہے۔ زلمی کی انرجی اور فین کنیکٹ پی ایس ایل کی شناخت ہے۔ اور پی ایس ایل کی ترقی میں جاوید آفریدی کا کلیدی کردار رہا ہے۔
یہ بھی پڑھیں: ٹی 20 کرکٹ، بابر اعظم نے ویران کوہلی کا ریکارڈ برابر کر دیا
پشاور زلمی کو پی ایس ایل کی سب سے زیادہ دیکھی جانے والی ٹیم قرار دے دیا گیا۔ جبکہ زلمی کے مداحوں کی بڑی تعداد اور کارکردگی نے مضبوط کمرشل وراثت بنائی۔ زلمی کے نئے 10 سالہ معاہدے سے فینز میں خوشی کی لہر دوڑ گئی۔
