اپوزیشن اتحاد تحریک تحفظ آئین پاکستان نے 27 ویں ترمیم کے خلاف احتجاجی تحریک چلانے کا اعلان کر دیا۔
اسلام آباد میں پریس کانفرنس کرتے ہوئے چیئرمین تحریک تحفظ آئین محموداچکزئی نے تحریک چلانے اور پارلیمنٹ نہ چلنے دینے کا اعلان کرتے ہوئے کہا کہ آج سے تحریک شروع ہے۔ رات ساڑھے 8 بجے سے نعرے شروع کر دیں گے اور آج کا نعرہ ہو گا “ایسے دستور کو ہم نہیں مانتے”۔
شہباز شریف کا 27 ویں ترمیم میں وزیراعظم کو استثنیٰ دینے کی ترمیم واپس لینے کا حکم
محمود خان اچکزئی نے کہا کہ چھٹی کے دن آئین پر حملہ کیا گیا، پاکستان کی بنیادوں پر حملہ ہوا ہے، یہ بھی 9/11 ہے، ہم سب کچھ جانتے ہوئے اپنے ارادے سے یہاں آئے ہیں، پاکستان پر بغیر الیکشن کے یہ ٹولہ قابض ہوا ہے۔
مشترکہ پریس کانفرنس میں مصطفیٰ نواز کھوکھر نے کہا کہ ستائیسویں ترمیم شخصیات کے فائدے اور نقصانات کو سامنے رکھ کر کی گئی ہے ، آئین کا شخصیات سے کوئی تعلق نہیں ہوتا، اشرافیہ اپنے مفادات کے لیے آئین میں ترمیم کر رہی ہے ، استثنیٰ کی بندر بانٹ جاری ہے۔
وفاقی کابینہ نے 27 ویں آئینی ترمیم کی منظوری دے دی
اس موقع پر سینیٹر راجہ ناصر عباس نے کہا پارلیمنٹ اور عدلیہ کو تباہ کر دیا گیا ہے، یہ ملک کو تباہی کی طرف لے کر جا رہے ہیں، ترمیم کا راستہ روکنے کیلئے ہر حد تک جائیں گے۔
