جمیکا کی تاریخ کا طاقتور ترین سمندری طوفان ‘میلیسا’ (Melissa hurricane) اس جزیرہ نما ملک میں تباہی مچانے کے بعد کیوبا کی جانب مڑ گیا ہے۔
کیٹیگری 4 کا یہ شدید طوفان جمیکا کے جنوبی مغربی قصبے نیو ہوپ کے قریب زمین سے ٹکرا تھا، جہاں ہواؤں کی رفتار 185 میل فی گھنٹہ (295 کلومیٹر فی گھنٹہ) ریکارڈ کی گئی جو کیٹیگری 5 کے طوفان سے بھی زیادہ ہے۔
طوفان کے نتیجے میں سینٹ ایلزبیتھ کا علاقہ مکمل طور پر زیرِ آب آ گیا اور 5 لاکھ سے زائد افراد بجلی سے محروم ہو گئے۔
جمیکا کے وزیرِ اعظم اینڈریو ہولنس نے بتایا کہ اسپتالوں، مکانات، تجارتی عمارتوں اور سڑکوں کو شدید نقصان پہنچا ہے۔ اگرچہ تاحال کسی ہلاکت کی تصدیق نہیں ہوئی، تاہم حکومت کو جانی نقصان کا خدشہ ہے۔
امریکی نیشنل ہری کین سینٹر کے مطابق جب سمندری طوفان جمیکا کے پہاڑی علاقوں سے گزرا تو اس کی رفتار کم ہو کر 145 میل فی گھنٹہ رہ گئی، مگر اب یہ کیوبا کے شہر سانتیاگو دی کیوبا کی سمت بڑھ رہا ہے۔
Hurricane Melissa Causes Havoc in Its Path Through Jamaica 🇯🇲
It is one of the most powerful hurricanes recorded in the Atlantic Ocean pic.twitter.com/dvRMK69l9n— AK (@DarkMagaFafo) October 29, 2025
کیوبا کے صدر میگل ڈیاز کینل نے شہریوں کو نقل مکانی کے احکامات پر عمل کرنے کی ہدایت دیتے ہوئے کہا کہ “یہ طوفان بڑے پیمانے پر نقصان پہنچائے گا۔”
کیوبا میں 5 لاکھ افراد کو محفوظ مقامات پر منتقل کیا گیا ہے۔
جمیکا میں طوفان سے نمٹںے کی تیاریوں کے دوران 3 ہلاکتیں رپورٹ ہوئیں، جبکہ ایک ڈیزاسٹر کوآرڈینیٹر فالج کے باعث اسپتال منتقل کیا گیا۔
عالمی موسمیاتی تنظیم نے اسے “صدی کا طوفان” قرار دیا ہے، جب کہ ماہرین کے مطابق میلیسا کی شدت کیریبیئن میں 2005 کے ‘ولما’ اور 1988 کے ‘گلبرٹ’ کے بعد تیسری سب سے زیادہ ہے۔
Tourists in Jamaica right now, are treating Hurricane Melissa like it’s part of their sightseeing tour.
Rather than cutting their losses and heading home, they’ve decided to stay and document their experience for clout. The disregard for Jamaica and Jamaican people, is… pic.twitter.com/JTdJMiNZfu
— Save Our Citizenships 🔻 (@LetsStopC9) October 28, 2025
وزیرِ اعظم ہولنس نے 33 ملین ڈالر کے ہنگامی فنڈ اور زرعی بحالی کے اقدامات کا اعلان کیا ہے۔ عالمی اداروں کے مطابق 15 لاکھ افراد براہِ راست متاثر ہوئے ہیں۔
ایک مقامی باشندے نے طوفان کی شدت کو بیان کرتے ہوئے کہا کہ “یہ شیر کی دھاڑ جیسا تھا — جنونی، بے قابو اور خوفناک۔”
