اسرائیلی فوج نے قطر کے دارالحکومت دوحہ میں بمباری کرکے فلسطینی مزاحمتی تنظیم حماس کے سینئر رہنما خلیل الحیہ سمیت 5 عہدیداروں کو شہید کر دیا۔
عرب میڈیا کے مطابق دوحہ کے علاقے کتارا میں کئی دھماکے سنے گئے ، شہید ہونے والوں میں خلیل الخیہ کا بیٹا بھی شامل ہے۔
ادھر تل ابیب سے جاری کیے گئے بیان میں اسرائیلی فوج کا کہنا ہے کہ دوحہ میں دھماکے کے ذریعے حماس کے سینئر رہنماؤں کو نشانہ بنایا گیا ہے۔
غزہ میں دھماکہ، 4 اسرائیلی فوجی ہلاک، بیت المقدس میں فائرنگ سے 7 افراد مارے گئے
اسرائیلی عہدیدار کا کہنا ہے کہ امریکا کو دوحہ حملے سے قبل آگاہ کیا تھا،امریکی صدر ٹرمپ نے قطر میں حماس کی قیادت پر حملے کی منظوری دی۔
دوسری جانب قطر نے اسرائیلی حملے کی شدید مذمت کرتے ہوئے کہا ہے کہ یہ حملہ بین الاقوامی قوانین کی خلاف ورزی ہے ، حملے کی تحقیقات کر رہے ہیں۔
غزہ میں ہر گھنٹے ایک فلسطینی بچہ شہید، اسرائیلی جارحیت کا شرمناک ریکارڈ
حماس ذرائع کے مطابق فضائی حملے کے وقت حماس کے رہنماؤں کا اجلاس جاری تھا جس میں حماس رہنما غزہ جنگ بندی کے حوالے سے امریکی صدر کی تجویز پر غور کر رہے تھے۔
