پاکستان اسٹاک ایکسچینج میں تیزی کا رجحان برقرار ، انڈیکس ملکی تاریخ کی بلند ترین سطح پر پہنچ گیا ، دوسری جانب ڈالر کی قیمت میں گراوٹ کا سلسلہ جاری ہے۔
کاروباری ہفتے کے تیسرے روز اسٹاک مارکیٹ میں کاروبار کا مثبت آغاز ہوا ، کاروبار شروع ہوتے ہی انڈیکس میں 650 پوائنٹس کا اضافہ ہوا ، جس سے انڈیکس نے ایک لاکھ 50 ہزار کی حد عبور کی ۔
اسٹاک ایکسچینج میں نیا ریکارڈ قائم، انڈیکس پہلی بار ایک لاکھ 50 ہزار پوائنٹس سے تجاوز کر گیا
دوسرے سیشن میں انڈیکس میں اضافہ 1243 پوائنٹس تک جا پہنچا جس کے بعد انڈیکس نے پہلی بار ایک لاکھ ، 51 ہزار کی حد کو چھو لیا۔
دوسری جانب انٹر بینک میں ڈالر مزید سستا ہو گیا ، ایکسچینج کمپنیز ایسوسی ایشن کے مطابق انٹر بینک میں 10 پیسے کی کمی سے ڈالر کی قیمت 281 روپے 86 پیسےہو گئی۔
