ایشین ٹیم اسنوکر کے کوارٹر فائنل میں پاکستان نے بھارت کو شکست دے دی

Snooker

ریاض: ایشین ٹیم اسنوکر چیمپئن کے کوارٹر فائنل میں پاکستان نے بھارت کو شکست دیکر سیمی فائنل کے لیے کوالیفائی کر لیا۔

سعودی عرب کے دارالحکومت ریاض میں ہونے والی ایشین ٹیم اسنوکر چیمپئن شپ میں قومی کیوئسٹس اسجد اقبال اور اویس منیر نے حریف ٹیم بھارت کو تین صفر کے فریم سے شکست دے دی۔

پاکستان کی جیت کا اسکور 35-63، 22-75 اور 06-70 رہا۔ بھارت 2 کی ٹیم سارو کوتھاری اور حسین خان پر مشتمل تھی۔

یہ بھی پڑھیں: جو دباؤ برداشت نہیں کرسکتا اس کی اب ٹیم میں جگہ نہیں بنے گی، چیئرمین پی سی بی

پاکستانی اسنوکر ٹیم سیمی فائنل میں ہانگ کانگ سے مقابلہ کرے گی۔

اس سے قبل پاکستان کے اویس منیر نے ایشین 6 ریڈ اسنوکر چیمپئن شپ جیتی تھی۔


ٹیگز :
متعلقہ خبریں