سعودی عرب پر ایرانی حملے غیر ضروری ہیں جو کشیدگی بڑھا رہے ہیں،کور کمانڈر کانفرنس

کورکمانڈرز کانفرنس نے سعودی عرب کے پیٹروکیمیکل اور صنعتی کمپلیکس پر حالیہ حملوں کی شدید مذمت کی اور تشویش کا اظہار کیا۔

آئی ایس پی آر کے مطابق فیلڈ مارشل سید عاصم منیر کی زیر صدارت کور کمانڈرز کانفرنس ہوئی ، مادروطن کےدفاع میں جانوں کانذرانہ پیش کرنیوالے معصوم شہریوں کیلئے فاتحہ خوانی کی گئی۔ شرکا نے کہا کہ شہدا کی لازوال قربانیاں پاکستان کی سلامتی کی اساس ہے۔

آرمی چیف نےمسلح افواج کی پیشہ ورانہ مہارت اورانسداددہشتگردی کی کارروائیوں میں ثابت قدمی کوسراہتے ہوئے کہا کہ دہشتگردوں کےخاتمےتک آپریشن غضب لِلحق کی رفتار برقراررکھی جائے گی ،بھارت اوردیگرکی ایماپرکام کرنیوالےتمام دہشتگردپراکسی عناصرکوختم کرینگے۔

آج رات ایک پوری تہذیب ختم ہو جائے گی،امریکی صدر کی دھمکی

تمام دہشتگردسہولت کاروں اورمعاونین سمیت ختم کیےجائیں گے،دہشت گردوں کی محفوظ پناہ گاہوں کامکمل خاتمہ کرینگے ،پاکستان مذاکرات، کشیدگی میں کمی اوراصولی سفارتکاری کیلئے پرعزم ہے۔

فورم نے مشرق وسطیٰ میں جنگ کے خاتمے کے لیے حکومت کی بھرپور کوششوں کو سراہا،شرکا نے کہا کہ ذمہ داراسٹیک ہولڈرکےطورپرپاکستان علاقائی سلامتی کےاستحکام کیلئےفعال کردار اداکررہاہے۔

کورکمانڈرزکانفرنس میں سعودی عرب کےپیٹروکیمیکل اورصنعتی کمپلیکس پرحالیہ حملوں کی شدید مذمت کی گئی ، اور کہا گیا کہ سعودی عرب پرحملےغیرضروری کشیدگی کاباعث ہیں۔بلاجوازجارحیت امن کی کوششوں اورسازگارماحول کو متاثرکرتےہیں۔

ایران کےسعودی عرب پرحملےپرامن حل کی مخلصانہ کوششوں کونقصان پہنچا رہے ہیں،اشتعال انگیزی کےباوجودسعودی عرب کاتحمل ثالثی اورسفارتی حل کی راہ ہموار کر رہا ہے۔

ڈیڈلائن ختم ہونے سے پہلے ایران سےمثبت جواب ملنےکی توقع ہے، جےڈی وینس

شرکا نے کہا کہ بھارت کی مسلسل گمراہ کن معلومات اوربےبنیاد الزامات عالمی سطح پربےنقاب ہوچکے،بھارت کے جھوٹے فلیگ آپریشنزکےبیانیے کو مسترد کرتےہیں ،فورم نے مقبوضہ کشمیر میں انسانی حقوق کی خلاف ورزیوں اورجعلی مقابلوں پرتشویش کا اظہار کیا۔

فیلڈ مارشل نے کمانڈرزکوآپریشنل تیاری اورپیشہ ورانہ مہارت کےاعلیٰ معیاربرقراررکھنے کی ہدایت کرتے ہوئے کہا کہ مسلح افواج ہرقسم کےخطرات سےنمٹنے کی بھرپور صلاحیت رکھتی ہیں۔

فیلڈمارشل سید عاصم منیر کا خطاب کرتے ہوئے مزید کہنا تھا کہ پاکستان کی خودمختاری اورعلاقائی سالمیت پرکوئی سمجھوتہ نہیں کیاجائےگا،پاکستان کودرپیش ہرخطرے کا جواب دینے کے لیے تیار ہیں۔

ایرانی وطن کے دفاع میں جانیں قربان کرنےکیلئے تیار ہیں ، مسعود پزشکیان

حکومت، عوام اورفوج کےتعاون سےسیکیورٹی کامیابیاں اورمعاشی استحکام مستحکم ہورہاہے، پاکستان علاقائی وعالمی سطح پراپنی حیثیت کوبہتربنانےمیں گامزن ہے۔