پاکستان نے1.43ارب ڈالر کا قرض ادا کردیا

پاکستان نے 1ارب 43کروڑ ڈالرز سے زائد قرض ادائیگیاں مکمل کر لیں۔

تفصیلات کے مطابق مشیروزیرخزانہ خرم شہزاد کا کہنا تھا کہ پاکستان نے 8 اپریل کو میچور ہونے والا 1.3 ارب ڈالرز کا یورو بانڈ بروقت ادا کر دیا،حکومت نے دیگر ادائیگیوں میں یورو بانڈز پر 126 ملین ڈالرز کے کوپن واجبات بھی ادا کیے ۔

اسٹیٹ بینک نے بڑی ایکسچینج کمپنی کا لائسنس منسوخ کر دیا، دفاتر بند

آج کی مجموعی قرض ادائیگیاں 1ارب 42کروڑ ڈالر سے تجاوز کر گئیں ہیں،بروقت ادائیگیاں مالی نظم و ضبط اور تسلسل کا مظہر ہیں،بیرونی مالیاتی دباؤ کے باوجود ادائیگیوں میں کوئی تعطل نہیں آیا۔

یہ ادائیگیاں مستحکم بیرونی ذخائر اور بہتر لیکویڈیٹی کا عملی اظہار ہیں،ادائیگیاں میکرو اکنامک استحکام اور معاشی لچک میں بہتری کا اشارہ بھی ہیں۔

مہنگائی 5 تا 7 فیصد، علاقائی کشیدگی بھی اثر ڈال سکتی ہے، اسٹیٹ بینک

بڑی مالی ادائیگیوں کی کامیاب تکمیل، معاشی صلاحیت کا ثبوت ہے،ادائیگیوں سے عالمی سرمایہ کاروں کا پاکستان پر اعتماد مزید بحال ہوگا۔