تنقید کرنے والے صارف کو ہانیہ عامر کا دلچسپ و مزاحیہ جواب وائرل

پاکستان کی معروف اداکارہ ہانیہ عامر نے سوشل میڈیا پر تنقید کرنے والے ایک صارف کے تبصرے کا پُرمزاح اور پُراعتماد انداز میں جواب دے کر ایک بار پھر صارفین کی توجہ حاصل کر لی۔

تفصیلات کے مطابق ایک سوشل میڈیا صارف نے ہانیہ عامر کو “پاکستان کی سب سے زیادہ اوورریٹیڈ آرٹسٹ” قرار دیتے ہوئے تنقیدی تبصرہ کیا، جس پر اداکارہ نے مختصر مگر مزاحیہ ردعمل دیتے ہوئے کہا: “جلی نا” یعنی حسد کا اظہار کر رہے ہو۔

ژالے سرحدی نے شوہر سے متعلق افواہوں پر خاموشی توڑ دی

اداکارہ کے اس جواب کے بعد یہ معاملہ سوشل میڈیا پر تیزی سے وائرل ہو گیا، جہاں صارفین کی بڑی تعداد نے ان کے انداز کو سراہا۔ متعدد مداحوں نے ہانیہ عامر کے ردعمل کو اعتماد اور مثبت رویے کی مثال قرار دیا، جبکہ کچھ صارفین نے اسے ایک “ذہین اور حاضر جواب” ردعمل قرار دیا۔

عالیہ بھٹ کو میزبانی کرنا مہنگا پڑ گیا، ویڈیو وائرل

واضح رہے کہ ہانیہ عامر اکثر سوشل میڈیا پر تنقید کا سامنا مزاح اور خوش مزاجی کے ساتھ کرتی ہیں، جس کی وجہ سے ان کا انداز مداحوں میں خاصا مقبول سمجھا جاتا ہے۔