پاکستانی باکسر سمیر خان نے بھارت کو محبت کا سبق سکھا دیا

پاکستانی باکسر سمیر خان نے ایک بین الاقوامی ایونٹ کے دوران اسپورٹس مین اسپرٹ کی اعلیٰ مثال قائم کر دی ہے جس کی ویڈیو سوشل میڈیا پر تیزی سے وائرل ہو رہی ہے۔

انٹرنیٹ پر گردش کرنے والی اس مختصر ویڈیو میں دیکھا جا سکتا ہے کہ سمیر خان نے مقابلے کے بعد زمین پر گرے ہوئے بھارتی پرچم کو انتہائی احترام کے ساتھ اٹھایا۔

 

View this post on Instagram

 

A post shared by S A M E E R K H A N 🇵🇰 (@sameerkhanboxer)

اس واقعے کے سامنے آنے کے بعد سوشل میڈیا صارفین اور کھیل کے مداحوں کی جانب سے سمیر خان کے اس عمل کو بے حد سراہا جا رہا ہے۔

صارفین کا کہنا ہے کہ پاکستانی باکسر نے ایک مخالف ملک کے پرچم کا احترام کر کے نہ صرف اپنی تربیت کا ثبوت دیا بلکہ دنیا کو یہ پیغام بھی دیا کہ کھیل میدان میں مسابقت کا نام ہے، نفرت کا نہیں۔