فخر زمان کا ٹی 20 کرکٹ سے ریٹائرمنٹ نہ لینے کا فیصلہ

پاکستانی کرکٹ ٹیم کے اوپنر فخر زمان نے ٹی 20 کرکٹ سے ریٹائرمنٹ نہ لینے کا فیصلہ کرتے ہوئے مداحوں کو خوشخبری سنا دی ہے۔

اپنے حالیہ بیان میں فخر زمان کا کہنا تھا کہ انہوں نے ورلڈ کپ کے بعد مختصر فارمیٹ سے ریٹائرمنٹ پر غور کیا تھا، تاہم اب انہوں نے اپنا یہ ارادہ ترک کر دیا ہے۔

فخر زمان نے کہا کہ وہ ٹی 20 کرکٹ کو اچانک خیرباد کہنے کے بجائے اسے ایک اچھے اور باوقار انداز میں ختم کرنا چاہتے ہیں۔

نسیم شاہ غیر معینہ مدت کیلئے پی ایس ایل سے باہر

ان کا کہنا تھا کہ وہ ٹیم کے لیے مزید خدمات انجام دینے اور اپنی کارکردگی کے ذریعے ملک کا نام روشن کرنے کے خواہشمند ہیں۔

اوپننگ بیٹر کے اس فیصلے کو کرکٹ حلقوں میں مثبت پیش رفت قرار دیا جا رہا ہے کیونکہ فخر زمان ٹی 20 فارمیٹ میں پاکستان کے اہم اور جارح مزاج بلے باز سمجھے جاتے ہیں۔

ان کی موجودگی ٹیم کے بیٹنگ لائن اپ کو مضبوط بنانے میں اہم کردار ادا کرتی ہے۔