بھارتی وزیر اعلیٰ کی مسلمانوں کیخلاف ہرزہ سرائی

آسام: بھارتی ریاست اترپردیش کے ہندو انتہا پسند وزیر اعلیٰ یوگی آدتیہ ناتھ نے مسلمانوں کے خلاف ہرزہ سرائی کرتے ہوئے کہا ہیکہ ان کی حکومت ریاست سے مسلمانوں کو نکال دے گی۔

غیر ملکی خبر رساں ایجنسی کے مطابق بھارتی وزیر اعلیٰ آدتیہ ناتھ نے آسام میں تقریب سے خطاب کرتے ہوئے کہا کہ بھارتیہ جنتا پارٹی (بی جے پی) آسام کو مسلم دراندازوں سے پاک کرسکتی ہے اور ہر مسلم کو نشاندہی کرکے نکالا جائے گا۔

انہوں نے مسلمانوں کے خلاف ہرزہ سرائی کرتے ہوئے کہا کہ اب اتر پردیش میں کوئی سڑکوں پر نماز نہیں پڑھ سکتا۔ اور نہ ہی کسی عبادت گاہ سے بلند آواز کی اجازت ہو گی۔

یہ بھی پڑھیں: مشرق وسطیٰ کشیدگی: روس اور چین متحرک ہو گئے

ماہرین کے مطابق انتخابات میں مذموم سیاسی مفاد کے لیے مسلمانوں کیخلاف نفرت اور تقسیم کو ہوا دینا بی جے پی کا پرانا ہتھکنڈا ہے۔ بھارت میں انتخابات سے قبل فالس فلیگ آپریشن اور مسلمانوں کے خلاف زہریلی مہمات بی جے پی کا وطیرہ بن چکی ہیں۔