فیفا ورلڈ کپ: ایران کا میچز امریکا سے منتقل کرنے کا مطالبہ

تہران: ایران نے کہا ہے کہ فیفا ورلڈ کپ میں اس کی شرکت اس وقت تک غیر یقینی رہے گی جب تک اس کے میچز امریکا سے میکسیکو منتقل نہیں کیے جاتے۔

غیر ملکی خبر رساں ایجنسی کے مطابق ایرانی وزیر کھیل احمد دونیا مالی نے اپنے ایک بیان میں کہا ہے کہ انہیں خدشہ ہے کہ ایرانی کھلاڑی امریکا میں محفوظ نہیں ہوں گے۔ اس لیے میچز کی جگہ تبدیل کرنا ضروری ہے۔

یاد رہے کہ امریکی صدر ڈونلڈ ٹرمپ بھی اس حوالے سے بیان دے چکے ہیں کہ ایران کا امریکا میں کھیلنا خطرات کا باعث بن سکتا ہے۔ تاہم اس کے باوجود فیفا نے میچز منتقل کرنے سے انکار کیا ہے۔

رپورٹس کے مطابق ایران کے میچز نیوزی لینڈ، بیلجیم اور مصر کے خلاف کیلیفورنیا اور سیاٹل میں شیڈول ہیں۔

یہ بھی پڑھیں: پی ایس ایل میں کراچی کنگز کو دھچکا، یو اے ای کے کھلاڑی وطن واپس طلب

واضح رہے کہ امریکا، میکسیکو اور کینیڈا میں شیڈول فیفا ورلڈ کپ 11 جون سے شروع ہو کر 19 جولائی تک جاری رہے گا۔