پنجاب حکومت کا پیٹرول کے بعد اشیائے خوردونوش پر بھی سبسڈی دینے کی تجویز

لاہور: پنجاب حکومت نے پیٹرولیم مصنوعات کی قیمتوں میں حالیہ اضافے کے بعد عوام کو ریلیف دینے کے لیے مختلف سبسڈی منصوبے تیار کر لیے ہیں۔

ذرائع کے مطابق حکومت سہولت بازاروں میں اشیائے ضروریہ پر 10 سے 20 فیصد تک سبسڈی دینے پر غور کر رہی ہے۔ تاکہ صارفین کو براہ راست فائدہ پہنچایا جا سکے۔

سبسڈی منصوبے میں منڈیوں میں رجسٹرڈ کاروباری افراد کو شامل کرنے کے مختلف ماڈلز بھی زیر غور ہیں۔ تاہم حکام کے مطابق سہولت بازاروں کے ذریعے سبسڈی فراہم کرنا سب سے مؤثر طریقہ سمجھا جا رہا ہے۔

یہ بھی پڑھیں: حکومت کا پیٹرول پمپس پر ڈیجیٹل فیول منیجمنٹ سسٹم نافذ کرنے کا فیصلہ

ذرائع کا کہنا ہے کہ اس اقدام سے مہنگائی کے دباؤ میں کمی لانے اور عوام کو فوری ریلیف دینے میں مدد ملے گی۔