پاکستان اور ترکیے کے درمیان عدالتی تعاون کی یادداشت پر دستخط

پاکستان اور ترکیے کے درمیان عدالتی تعاون کی یادداشت پر دستخط ہو گئے۔ چیف جسٹس یحییٰ آفریدی اور ترکیے کی آئینی عدالت کے صدر نے دستخط کیے۔

دونوں ممالک نے عدالتی تربیت اور بہترین طریقہ کار کے تبادلے اور مشترکہ ورکنگ گروپ کے قیام پر اتفاق کیا اور جدید ٹیکنالوجی کے ذریعے انصاف کی فراہمی بہتر بنانے پر زور دیا۔

خواتین سائلین کو عدالتی کمپلیکسز میں محفوظ ماحول فراہم کریں گے، چیف جسٹس

اس موقع پر خطاب کرتے ہوئے چیف جسٹس یحییٰ آفریدی نے کہا کہ ترکیے کی آئینی عدالت کے اعلیٰ وفد کو پاکستان آمد پر خوش آمدید کہتے ہیں، ترک وفد کا دورہ دونوں ممالک کے درمیان برادرانہ اور تاریخی تعلقات کی علامت ہے۔

انہوں نے کہا کہ مفاہمتی یادداشت دونوں ممالک کی عدلیہ کیلئے اہم ہے، عدالتی کارروائی میں مصنوعی ذہانت کے استعمال کے حوالے سے ترکیہ ایک مثال ہے، ہمیں ایک دوسرے کے عدالتی تجربات سے استفادہ کرنا ہے۔

انسداد دہشت گردی عدالت کا فیصلہ، سابق چیف جسٹس کے خلاف فتویٰ کیس میں سخت سزائیں

اس موقع پر چیف جسٹس آئینی عدالت ترکیے نے کہا کہ پاکستان آ کر بہت خوشی ہوئی، آج کا دن دونوں ملکوں کے عدالتی نظام کیلئے انتہائی اہم ہے، ہم اللہ کی حاکمیت پر یقین رکھتے ہیں، عدالتی نظام کو جدید خطوط پر استوار کرنا ناگزیر ہے۔