پی ایس ایل کی ٹیکنیکل کمیٹی نے فخر زمان کی اپیل مسترد کر دی

کراچی، پاکستان سپر لیگ (پی ایس ایل) کی ٹیکنیکل کمیٹی نے فخر زمان کی سزا کے خلاف دائر اپیل مسترد کر دی ہے، جس کے بعد فخر زمان پر 2 میچز کی پابندی برقرار رہے گی۔

ٹیکنیکل کمیٹی نے تمام شواہد، میچ رپورٹس اور فخرزمان کے مؤقف کو جانچنے کے بعد فیصلہ سنایا۔ کمیٹی میں ڈاکٹر ممریز، علی نقی اور پروفیسر جاوید ملک شامل تھے، جنہوں نے اتفاق رائے سے پابندی کو برقرار رکھا۔

فخر زمان کو یہ سزا کراچی کنگز کے خلاف میچ میں بال ٹیمپرنگ کے الزام کے بعد دی گئی تھی، ریفری کی رپورٹ کے مطابق کھلاڑی نے کھیل کے اصولوں کی خلاف ورزی کی تھی، جس پر فوری کارروائی ضروری تھی۔

اسلام آباد یونائیٹڈ نے کوئٹہ گلیڈی ایٹرز کو 8 وکٹوں سے شکست دے دی

پی ایس ایل کے اعلامیے میں کہا گیا کہ لیگ اپنے ضابطہ اخلاق اور کھیل کی شفافیت کو برقرار رکھنے کے لیے سخت اقدامات کرتی رہے گی۔

اس فیصلے سے ٹیموں اور کھلاڑیوں کے لیے واضح پیغام گیا ہے کہ کسی بھی قسم کی بدانتظامی یا اصولوں کی خلاف ورزی برداشت نہیں کی جائے گی۔

فخر زمان اب آئندہ دو میچز میں حصہ نہیں لے سکیں گے، جس کا اثر کراچی کنگز کی پرفارمنس پر بھی پڑ سکتا ہے۔