میعاد ختم ہونے سے قبل شناختی کارڈ کی تجدید کرائیں،نادرا

نادرا نے شہریوں کو ہدایت کی ہے کہ شناختی کارڈ کی میعاد ختم ہونے سے قبل بروقت تجدید کرائیں،میعاد ختم ہونے پر بینک اکاؤنٹس، موبائل سمز اور دیگر سہولیات متاثر ہو سکتی ہیں،ایسے شہری سرکاری و فلاحی پروگراموں سے بھی محروم ہو سکتے ہیں۔

ترجمان نادرا کا کہنا ہے کہ نادرا ریکارڈ کے مطابق کروڑوں شناختی کارڈز اور دیگر دستاویزات کی میعاد ختم ہے،نادرا کی جانب سے شہریوں کو ایس ایم ایس کے ذریعے تجدید کی یاد دہانی کرائی جاتی ہے۔

محسن نقوی کا نادرا ہیڈکوارٹرز کا دورہ، شناختی نظام مزید سخت کرنے کی ہدایت 

اٹھارہ سال عمر ہونے پر شہری فوری شناختی کارڈ بنوائیں،پی ٹی اے کی جانب سے موبائل سروس کے لئے فعال شناختی کارڈ لازمی ہے،شناختی کارڈ کی میعاد ختم ہونے کے بعد موبائل سمز بلاک ہو سکتی ہیں۔

81 لاکھ سے زائد سمز ایکسپائرڈ شناختی کارڈز پر فعال ہیں جن کی فوری تجدید ضروری ہے،تاخیر سے تجدید پر جرمانہ ممکن ہے، تاہم نادرا فی الحال اس کا اطلاق نہیں کرتا۔

متوفی افراد کے نام پر رجسٹرڈ سمز کسی بھی وقت بند ہو سکتی ہیں،شہری متوفی رشتہ داروں کے نام پر موجود سمز اپنے نام پر منتقل کروائیں۔

نادرا نے شناختی کارڈ رکھنے والوں کو خبردار کر دیا

جون کے بعد تاخیر سے تجدید پر اضافی فیس اور جرمانے کا امکان ہے،شناختی کارڈ کی تجدید کے لئے نادرا مراکز، پاک آئی ڈی ایپ اور ای سہولت دستیاب ہے۔