اسلام آباد یونائیٹڈ کی یکطرفہ فتح، لاہور قلندرز 9 وکٹوں سے شکست

کراچی میں کھیلے گئے پاکستان سپر لیگ 2026 کے 16ویں میچ میں اسلام آباد یونائیٹڈ نے لاہور قلندرز کو یکطرفہ مقابلے کے بعد 9 وکٹوں سے شکست دے دی۔

قلندرز کی ٹیم پہلے بیٹنگ کرتے ہوئے صرف 100 رنز بنا کر 18.3 اوورز میں آؤٹ ہوگئی، سکندر رضا 25 رنز کے ساتھ نمایاں رہے جبکہ حسیب اللہ خان 19 اور آصف علی 15 رنز بنا سکے تاہم دیگربلے باز ناکام رہے۔

یونائیٹڈ کے باؤلرز نے شاندار کارکردگی دکھائی، کرس گرین نے 3 وکٹیں حاصل کیں جبکہ عماد وسیم، شاداب خان اور رچرڈ گلیسن نے دو، دو کھلاڑیوں کو آؤٹ کیا، جس سے قلندرز کی بیٹنگ لائن سنبھل نہ سکی۔

جواب میں اسلام آباد یونائیٹڈ نے ہدف انتہائی آسانی سے حاصل کر لیا۔ اوپنر ڈیون کونوے نے جارحانہ بیٹنگ کرتے ہوئے ناقابل شکست 59 رنز بنائے جبکہ محمد فیق 34 رنز کے ساتھ ناٹ آؤٹ رہے۔

پاکستان کے پاس دنیا کے بہترین فاسٹ باؤلرز موجود ہیں، ڈیرل مچل

یونائیٹڈ نے مطلوبہ ہدف صرف 10.2 اوورز میں ایک وکٹ کے نقصان پرحاصل کر لیا۔

قلندرز کی جانب سے واحد کامیابی شاہین شاہ آفریدی کو ملی جنہوں نے ایک وکٹ حاصل کی تاہم دیگر باؤلرز مہنگے ثابت ہوئے۔