وزیراعظم شہبازشریف اور ایمانوئل میکرون کا ٹیلیفونک رابطہ، خطے کی صورتحال پرمشاورت

اسلام آباد: وزیراعظم شہباز شریف اور فرانس کے صدر ایمانوئل میکرون کے درمیان ٹیلیفونک رابطہ ہوا جس میں خطے کی مجموعی صورتحال، امن کوششوں اور باہمی تعاون پر تفصیلی تبادلہ خیال کیا گیا۔

فرانسیسی صدرنے ایران اور امریکا کے درمیان جنگ بندی کے لیے پاکستان کی سفارتی کاوشوں کو سراہتے ہوئے وزیراعظم کو مبارکباد دی اوراسلام آباد میں ہونے والے امن مذاکرات کی کامیابی کے لیے نیک خواہشات کا اظہار کیا۔

وزیراعظم شہباز شریف نے پاکستان کی سفارتی کوششوں کی حمایت پر صدر میکرون کا شکریہ ادا کرتے ہوئے کہا کہ پاکستان خطے میں امن و استحکام کے قیام کے لیے اپنی کاوشیں جاری رکھے گا۔

جنگ بندی کے بعد سعودی و ایرانی وزرائے خارجہ کا پہلا ٹیلی فونک رابطہ، اہم امور پر تبادلہ خیال

دونوں رہنماؤں نے لبنان میں جاری کشیدگی اور جارحیت پر گہری تشویش کا اظہار کیا اور اس بات پر زور دیا کہ خطے میں فوری طور پر تشدد اور خونریزی کا خاتمہ ہونا چاہیے۔

گفتگو کے دوران پاک-فرانس تعلقات کو مزید مضبوط بنانے کے عزم کا اعادہ کیا گیا جبکہ دونوں رہنماؤں نے اہم علاقائی اور عالمی امور پر مسلسل رابطے میں رہنے پر بھی اتفاق کیا۔