سعودی اور ایرانی وزرائے خارجہ کا پہلا جنگ بندی بعد ٹیلی فونک رابطہ، کشیدگی کم کرنے پر زور

ریاض، سعودی عرب کے وزیر خارجہ شہزادہ فیصل بن فرحان اور ایرانی وزیر خارجہ عباس عراقچی کے درمیان جنگ بندی کے بعد پہلا ٹیلیفونک رابطہ ہوا ہے۔

دونوں رہنماؤں نے دوطرفہ تعلقات اور خطے کی تازہ صورتحال پر تفصیلی تبادلہ خیال کیا اور کشیدگی کم کرنے کے اقدامات پر زور دیا۔

سعودی وزارت خارجہ کے مطابق بات چیت میں خطے میں امن و استحکام کے لئے ضروری اقدامات اورتعاون پراتفاق کیا گیا۔

🇸🇦📞🇮🇷 | Foreign Minister HH Prince @FaisalbinFarhan receives a phone call from Iranian Foreign Minister Abbas Araghchi. pic.twitter.com/13gMlSz6En

— Foreign Ministry 🇸🇦 (@KSAmofaEN) April 9, 2026

ٹرمپ کا نیٹو کو مدد کیلئے جہاز ، فوجی دستے بھیجنے کا الٹی میٹم

ایرانی وزیر خارجہ عباس عراقچی نے رابطہ کیا جبکہ شہزادہ فیصل بن فرحان نے مثبت جواب دیتے ہوئے باہمی تعلقات کو مضبوط بنانے اور استحکام کے اقدامات پر زور دیا۔

رہنماؤں کی یہ گفتگو اس بات کی عکاسی کرتی ہے کہ دونوں ممالک امن قائم رکھنے اورخطے میں تشدد اور کشیدگی کے خاتمے کے لئے سنجیدہ ہیں۔

اس ٹیلی فونک رابطے کو دوطرفہ تعلقات میں ایک اہم پیش رفت کے طور پردیکھا جا رہا ہے، جس سے مستقبل میں خطے میں استحکام اور باہمی تعاون کے امکانات بڑھ گئے ہیں۔