عماد عرفانی کا عمران خان سے موازنہ ہونے پر دلچسپ ردِعمل

پاکستانی اداکار عماد عرفانی نے سابق وزیراعظم عمران خان سے اپنی شخصیت کے موازنے پر دلچسپ اور مثبت ردِعمل دیا ہے۔

عماد عرفانی نے حالیہ پروگرام میں گفتگو کرتے ہوئے بتایا کہ ایک ڈرامے کی شوٹنگ مکمل ہونے کے بعد انہوں نے اپنا ہیئر اسٹائل تبدیل کرنے کا فیصلہ کیا اور بال بڑھانا شروع کیے۔ اس کے بعد وہ انگلینڈ روانہ ہوئے، جہاں انہوں نے لارڈز میں شاہد آفریدی فاؤنڈیشن کے لیے ایک چیریٹی فوٹو شوٹ میں حصہ لیا۔

حسن رحیم کا نیا گانا گلگت کی جھلک کے ساتھ ریلیز، منفرد انداز نے توجہ سمیٹ لی

 

View this post on Instagram

 

A post shared by Saima Khan (@khpalsaima)

اداکار کے مطابق جب ان تصاویر کو سوشل میڈیا پر شیئر کیا گیا تو صارفین کی جانب سے ان کا موازنہ عمران خان سے کیا جانے لگا اور دیکھتے ہی دیکھتے یہ موضوع بحث بن گیا۔

عماد عرفانی نے اس موازنے کو اپنے لیے اعزاز قرار دیتے ہوئے کہا کہ عمران خان کی شخصیت نہایت کرشماتی ہے، اور جب وہ کسی فریم میں موجود ہوں تو توجہ خود بخود انہی کی طرف مرکوز ہو جاتی ہے۔ ان کے مطابق یہ کیفیت کچھ اسی طرح کی ہوتی ہے جیسے بعض اداکار اپنی موجودگی سے ہی لوگوں کی توجہ اپنی جانب کھینچ لیتے ہیں، مثال کے طور پر امیتابھ بچن۔

زین ملک نے نئے البم میں نصرت فتح علی خان کو خراج تحسین پیش کر دیا

سوشل میڈیا صارفین نے عماد عرفانی کے انداز اور شخصیت کو سراہتے ہوئے انہیں عمران خان کی بایوپک کے لیے موزوں قرار دیا، تاہم بعض صارفین نے یہ بھی کہا کہ عمران خان کی شخصیت اپنی مثال آپ ہے اور ان کا حقیقی معنوں میں کوئی متبادل نہیں۔