زین ملک نے نئے البم میں نصرت فتح علی خان کو خراج تحسین پیش کر دیا

پاکستانی نژاد برطانوی گلوکار زین ملک نے اپنے آنے والے نئے البم کوناکول (KONNAKOL) میں ایک خصوصی گانے کے ذریعے نصرت فتح علی خان کو خراجِ تحسین پیش کیا ہے۔

زین ملک نے حالیہ ایک ویڈیو میں میزان کے ساتھ گفتگو کرتے ہوئے بتایا کہ نئے البم میں ایک گانے کا نام “نصرت” رکھا گیا ہے، جو عالمی شہرت یافتہ قوال نصرت فتح علی خان کو خراجِ تحسین پیش کرتا ہے۔

حسن رحیم کا نیا گانا گلگت کی جھلک کے ساتھ ریلیز، منفرد انداز نے توجہ سمیٹ لی

زین ملک کے مطابق البم کی تیاری کے دوران انہیں جنوبی ایشیائی موسیقی، بالخصوص نصرت فتح علی خان کے فن سے گہری اور متاثر کن رہنمائی حاصل ہوئی، جس کے باعث انہوں نے اس گانے کو ان کے نام سے منسوب کرنے کا فیصلہ کیا۔

 

View this post on Instagram

 

A post shared by Track Star* (@trackstarshow)

البم کوناکول 17 اپریل کو ریلیز کیا جائے گا، جس میں تجرباتی موسیقی کے ساتھ جنوبی ایشیائی موسیقی کے اثرات بھی نمایاں طور پر شامل ہوں گے۔

یہ اقدام اس بات کی عکاسی کرتا ہے کہ نصرت فتح علی خان کی موسیقی آج بھی عالمی سطح پر فنکاروں کو متاثر کر رہی ہے اور ان کی میراث کو نئی نسل تک منتقل کر رہی ہے۔

زین ملک نے مزید بتایا کہ البم کی زیادہ تر موسیقی ان کی اپنی آواز پر مبنی ہے، جسے مختلف تہوں میں ترتیب دے کر تیار کیا گیا ہے۔ ان کے مطابق وہ اپنی آواز کو بطور موسیقی استعمال کرتے ہیں اور پھر اسی بنیاد پر گائیکی کرتے ہیں۔

فضا علی کی شوہر کے کپڑوں میں تصاویر، سوشل میڈیا پر بحث چھڑ گئی

البم کی پہلی میوزک ویڈیو “Sideways”، جو 27 مارچ کو جاری کی گئی، پہلے ہی آن لائن خاصی مقبول ہو چکی ہے۔ بڑھتی ہوئی توقعات کے ساتھ سامعین اس بات کے منتظر ہیں کہ زین ملک اپنے اس نئے پراجیکٹ میں تجرباتی آوازوں کو ذاتی اثرات کے ساتھ کس انداز میں پیش کرتے ہیں۔