ایران امریکا مذاکرات،خام تیل کی قیمت میں کمی آگئی

ایران اور امریکا کے درمیان مذاکرات کے مثبت اثرات سامنے آنا شروع ہوگئے ہیں، جس کے نتیجے میں عالمی منڈی میں خام تیل کی قیمتوں میں نمایاں کمی ریکارڈ کی گئی ہے۔

میڈیا رپورٹس کے مطابق عالمی مارکیٹ میں ویسٹ ٹیکساس انٹرمیڈیٹ (WTI) خام تیل کی قیمت کم ہو کر 97 ڈالر فی بیرل کی سطح پر آ گئی ہے، جبکہ برینٹ خام تیل بھی کمی کے بعد 95 اعشاریہ 37 ڈالر فی بیرل پر ٹریڈ ہوتا دیکھا گیا۔

ایران میں بینک کھولنے کا اعلان، کاشان کا تاریخی ریلوے پل بحال

ماہرین کے مطابق ایران اور امریکا کے درمیان کشیدگی میں کمی اور مذاکرات نے مارکیٹ پر فوری اثر ڈالا ہے۔ سرمایہ کار فی الحال محتاط حکمت عملی اختیار کیے ہوئے ہیں اور کسی بھی بڑی پیش رفت کے منتظر ہیں۔

واضح رہے کہ حالیہ مہینوں میں مشرق وسطیٰ کی صورتحال اور جغرافیائی کشیدگی کے باعث تیل کی قیمتوں میں اتار چڑھاؤ جاری رہا ہے، تاہم ایران امریکا مذاکرات نے مارکیٹ کو وقتی طور پر ریلیف فراہم کیا ہے۔

پاکستان کے لڑاکا طیارے ایران پہنچ گئے

ماہرین کا مزید کہنا ہے کہ آنے والے دنوں میں سفارتی پیش رفت اور عالمی معاشی اشاریے تیل کی قیمتوں کی سمت کا تعین کریں گے، جس پر پوری دنیا کی نظریں مرکوز ہیں۔