اسرائیل کا غزہ جنگ بندی مرکز سے اسپین کو نکالنے کا اعلان

اسرائیلی وزیراعظم نے غزہ جنگ بندی سے متعلق سول ملٹری کوآرڈینیشن سینٹر سے اسپین کو نکالنے کا اعلان کیا ہے۔

عرب میڈیا کے مطابق یہ مرکز امریکی صدر کے 20 نکاتی غزہ امن منصوبے کا حصہ ہے، جس کا مقصد خطے میں جنگ بندی اور انسانی امداد کی فراہمی کو مربوط بنانا بتایا جاتا ہے۔

رپورٹس کے مطابق یہ فیصلہ ایسے وقت میں سامنے آیا ہے جب اسپین کے وزیراعظم نے لبنان، غزہ اور ایران پر اسرائیلی حملوں پر سخت تنقید کی تھی۔

حزب اللہ کی مزاحمت جاری رہیگی، دشمن ہمارے حوصلوں سے حیران ہے، نعیم قاسم

اسرائیلی حکومت کے مطابق اسپین کا مؤقف اور حالیہ بیانات اس تعاون کے فریم ورک سے مطابقت نہیں رکھتے۔

دوسری جانب سفارتی حلقوں کا کہنا ہے کہ اس اقدام سے بین الاقوامی سطح پرامن عمل سے متعلق خدشات مزید بڑھ سکتے ہیں اور فریقین کے درمیان کشیدگی میں اضافہ بھی ہوسکتا ہے۔