انٹربینک میں ڈالر سستا، 279 روپے 1 پیسے پر بند

انٹربینک مارکیٹ میں امریکی ڈالر کی قدر میں معمولی کمی ریکارڈ کی گئی ہے۔

اسٹیٹ بینک کے مطابق کاروباری ہفتے کے اختتام پرڈالرایک پیسہ سستا ہو کر 279 روپے 1 پیسے کی سطح پر بند ہوا۔

اعداد و شمارکے مطابق دن بھر ڈالر کی قدر میں معمولی اتارچڑھاؤ دیکھنے میں آیا تاہم اختتام پر روپے نے معمولی برتری حاصل کی۔

سونے کی قیمت میں پھر بڑا اضافہ ، فی تولہ قیمت کتنی ہو گئی

ماہرین کے مطابق کرنسی مارکیٹ میں استحکام کے آثار ظاہر ہو رہے ہیں، جس کی وجہ درآمدی دباؤ میں کمی اور زرمبادلہ کی صورتحال میں بہتری بتائی جا رہی ہے۔

تجزیہ کاروں کا کہنا ہے کہ اگرچہ کمی معمولی ہے تاہم یہ رجحان برقراررہا تو روپے کی قدرمیں مزید بہتری آ سکتی ہے۔ دوسری جانب کاروباری برادری کا کہنا ہے کہ کرنسی میں استحکام سے معیشت پرمثبت اثرات مرتب ہوں گے۔

اسٹیٹ بینک کے مطابق مارکیٹ میں ڈالر کی طلب و رسد کے توازن پرمسلسل نظررکھی جا رہی ہے تاکہ شرح تبادلہ میں غیر ضروری اتار چڑھاؤ کو قابو میں رکھا جا سکے۔