پاک بحریہ کا شمالی بحیرہ عرب میں کامیاب سرچ اینڈ ریسکیو آپریشن

پاک بحریہ نے شمالی بحیرہ عرب میں کامیاب سرچ اینڈ ریسکیو آپریشن کرتے ہوئے غیرملکی عملے کے 18 افراد کو بچالیا، عملےمیں چین، بنگلہ دیش، میانمار، ویتنام اور انڈونیشیا کے شہری شامل ہیں۔

آئی ایس پی آر کے مطابق ہنگامی اطلاع موصول ہوتے ہی میری ٹائم ریسکیو کوآرڈینیشن سینٹر فعال کر دیا گیا ،پی این ایس حنین کو فوری طور پر امدادی کارروائی کے لیے روانہ کیا گیا۔

پاک بحریہ کےماہرین نےتجارتی جہازپرلگی آگ بجھانےمیں بھرپورمعاونت فراہم کی،غیرملکی عملےکوابتدائی طبی امداد کےبعد واپسی کیلئے کراچی منتقل کردیا گیا۔پاک بحریہ سمندرمیں کسی بھی ہنگامی صورتحال سےنمٹنےکیلئےہمہ وقت تیار ہے۔

وزیراعظم نے شمالی بحیرہ عرب میں 18افرادکوبحفاظت ریسکیوکرنےپرپاک بحریہ کوخراج تحسین پیش کیا ، وزیراعظم نےپاک بحریہ کےافسران اورجوانوں کی پیشہ ورانہ صلاحیتوں،فوری ردعمل اورجذبےکوسراہا۔

پاک بحریہ میں جدید و منفرد ٹیکنالوجیز سے لیس جنگی جہاز خیبر کی شمولیت، سمندری دفاع مزید مضبوط

وزیر اعظم کا کہنا تھا کہ مرچنٹ ویسل ’’گولڈ آٹم‘‘کی اطلاع پرپی این ایس حنین نےمؤثرسرچ اینڈریسکیوآپریشن کیا،آپریشن میں چین، بنگلہ دیش،میانمار،ویتنام اورانڈونیشیا کےعملےکوبحفاظت نکال لیاگیا۔

تمام افرادکراچی منتقل،طبی سہولیات فراہم اورممالک واپسی کےانتظامات کیےجارہےہیں،پاک بحریہ بحری ہنگامی صورتحال میں ہمیشہ اولین امدادی ادارےکےطورپرکردار اداکرتی رہیگی۔