پاکستان کے لڑاکا طیارے ایران پہنچ گئے

پاک فضائیہ کے لڑاکا طیارے اور AWACS/EW طیارے جمعرات کو نصف شب کے بعد ایرانی فضائی حدود میں داخل ہوگئے۔

جنگ اخبار کی خبر کے مطابق یہ طیارے ایرانی پارلیمنٹ کے اسپیکر ،وزیر خارجہ سمیت ایرانی وفد کے تمام معزز ممبرز کو مکمل سیکیورٹی میں اسلام آباد امن مذاکرات کیلئے لانے کا مشن مکمل کرینگے۔

اسلام آباد مذاکرات، امریکی و ایرانی وفود کیلئے عارضی ویزا فری سہولت کا اعلان

یاد رہے امریکا اور ایران کے درمیان مذاکرات کا پہلا دور کل اسلام آباد میں ہوگا، امریکی نائب صدر پاکستان کیلئے روانہ ہوچکے ہیں۔

ادھر وفاقی دارالحکومت اسلام آباد میں سیکیورٹی کے انتہائی سخت انتظامات کئے گئے ہیں ، ریڈ زون مکمل سیل ہے ،اسلام آباد کے داخلی راستوں پر کڑی نگرانی کی جارہی ہے۔