ایران کو اسلحہ دینے والے ممالک پر 50 فیصد ٹیرف عائد ہوگا، ٹرمپ

واشنگٹن، ڈونلڈ ٹرمپ نے خبردار کیا ہے کہ جو بھی ملک ایران کو فوجی سازوسامان فراہم کرے گا اس پر امریکا 50 فیصد ٹیرف عائد کرے گا۔

اپنے بیان میں انہوں نے کہا کہ ایران کی عسکری مدد خطے کے امن کیلئے خطرہ بن سکتی ہے، اس لیے ایسے اقدامات کی سختی سے حوصلہ شکنی کی جائے گی۔

امریکی صدر کا کہنا تھا کہ واشنگٹن ایران کی دفاعی صلاحیت میں اضافے کو روکنے کیلئے ہر ممکن قدم اٹھائے گا اور اس سلسلے میں معاشی دباؤ ایک موثر ہتھیارثابت ہوگا۔

اسرائیل نے صور شہر پر حملے کا الٹی میٹم دے دیا

انہوں نے مزید کہا کہ امریکا اپنے اتحادیوں کے ساتھ مل کر ایسی پالیسی اختیار کر رہا ہے جس سے خطے میں استحکام کو یقینی بنایا جا سکے۔

ماہرین کے مطابق اس اعلان کے بعد ایران کے ساتھ دفاعی تعاون کرنے والے ممالک کو معاشی خطرات کا سامنا کرنا پڑ سکتا ہے، جس سے عالمی تجارت پر بھی اثرات مرتب ہونے کا امکان ہے۔