آبنائے ہرمز کے انتظام و انصرام کو فعال انداز میں کنٹرول کیا جائے گا، ایرانی مسلح افواج

تہران، ایرانی مسلح افواج نے اعلان کیا ہے کہ آبنائے ہرمز کے انتظام و انصرام کو فعال انداز میں کنٹرول کیا جائے گا اور کسی بھی ممکنہ حملے کا پہلے سے زیادہ سخت اور فوری جواب دیا جائے گا۔

اپنے بیان میں فوجی ترجمان نے کہا کہ ایران اپنی سمندری حدود اوراہم گزرگاہوں کے تحفظ کیلئے مکمل طور پر تیار ہے۔

ایرانی حکام کے مطابق آبنائے ہرمزعالمی تجارت کیلئے نہایت اہم گزرگاہ ہے، اس لیے اس کی سلامتی یقینی بنانا اولین ترجیح ہے۔

انہوں نے خبردار کیا کہ کسی بھی جارحیت یا اشتعال انگیزی کی صورت میں بھرپور اور فیصلہ کن ردعمل دیا جائے گا۔

ایران کیخلاف تاریخی فتح، جنگ بندی سے امن کا نیا موقع ہے، امریکی وزیر جنگ 

ماہرین کا کہنا ہے کہ اس بیان کے بعد خطے میں کشیدگی میں مزید اضافہ ہو سکتا ہے، کیونکہ آبنائے ہرمز سے دنیا کی بڑی مقدار میں تیل کی ترسیل ہوتی ہے، جس پر کسی بھی قسم کا خطرہ عالمی معیشت کو متاثر کرسکتا ہے۔