قیام امن کیلئے سیاسی اور عسکری قیادت ایک پیج پر ہیں،وزیراعظم

وزیراعظم شہبازشریف کا کہنا ہے کہ ہم سب کی اجتماعی کاوشوں کے باعث امن قائم ہواہے،دنیا بھر میں اپنے تمام شراکت داروں اور دوستوں کا شکریہ ادا کرتا ہوں۔

وفاقی کابینہ کے اجلاس میں گفتگو کرتے ہوئے انہوں نے کہا کہ اللہ تعالیٰ نے پاکستان کو سفارتی محاذ پر اہم کامیابی سے نوازا،اسلام آباد مذاکرات میں برادر ممالک کا کلیدی کردار ہے،ہماری کوششوں سے 2ہفتے کیلئے آگ کے شعلے بجھ گئے۔

آبنائے ہرمز کے انتظام و انصرام کو فعال انداز میں کنٹرول کیا جائے گا، ایرانی مسلح افواج

قیام امن کیلئے ہم سب سیاسی اور عسکری قیادت ایک پیج پر ہیں،جنگ میں بھائی بھائی کو لڑانے کی کوشش کی گئی،ہم نےاندرونی اور بیرونی سازشوں کا مقابلہ کیا،جنگ کے شعلے پوری دنیا کو اپنی لپیٹ میں لے رہے تھے۔

نائب وزیراعظم نے دن رات اپنی ٹیم کے ساتھ کام کیا،فیلڈ مارشل سید عاصم منیر کو کامیابی پر خراج تحسین پیش کرتے ہیں،فیلڈ مارشل عاصم منیر کئی راتیں جاگتےرہے۔فیلڈ مارشل عاصم منیر ہمارے عظیم ہیرو ہیں۔

ایران اور امریکی قیادت کا بھی شکریہ ادا کرتےہیں،ایران اور امریکا نے پاکستان کی کاوشوں کو پذیرائی دی،ایرانی صدر مسعود پزشکیان نے مثبت جواب دیا،قطر،عمان،سعودی عرب اور دیگر دوست ممالک کا بھی شکریہ ادا کرتےہیں۔اپنے عزیز دوست چین کا بھی شکریہ ادا کرتےہیں۔

ایران کو اسلحہ دینے والے ممالک پر 50 فیصد ٹیرف عائد ہوگا، ٹرمپ

سعودی ولی عہد کو بھرپور تعاون کا یقین دلایا،سعودی عرب اور پاکستان دو بھائیوں کی طرح ہیں،سعودی ولی عہد کو کہا ہم آپ کو کبھی مایوس نہیں کریں گے۔

امریکی وفد پرسوں اسلام آباد آرہاہے،ایرانی وفدبھی پاکستان آرہاہے،پاکستان نے عالمی سطح پر انتہائی ذمہ دارانہ کردار ادا کیا،موجودہ حالات میں عوام کو 129 ارب روپے کا غیر معمولی ریلیف دیا۔

قبل ازیں اجلاس میں کابینہ ارکان نے وزیراعظم شہبازشریف کا تالیاں بجا کر استقبال کیا،نائب وزیراعظم اور فیلڈ مارشل کو بھی تالیاں بجاکر خراج تحسین پیش کیا گیا۔