بحرین میں امریکی سفارتخانے نے قونصلرخدمات معطل کردیں، شہریوں کو محفوظ مقامات پر رہنے کی ہدایت

بحرین میں امریکی سفارتخانے نے قونصلر سروسز معطل کرنے کا اعلان کرتے ہوئے وہاں مقیم امریکی شہریوں کو محفوظ مقامات پر رہنے کی ہدایت کر دی ہے۔

منامہ میں جاری کیے گئے احتیاطی ہدایت نامے میں کہا گیا ہے کہ شہری کھڑکیوں سے دور رہیں اور کسی بھی ممکنہ خطرے سے بچاؤ کے لیے ضروری اقدامات اختیار کریں۔

سفارتخانے نے شہریوں کو مشورہ دیا کہ وہ ضروری اشیاء، غذا، پانی اوردواؤں کا مناسب بندوبست پہلے سے کرلیں تاکہ کسی ہنگامی صورتحال میں محفوظ رہ سکیں۔ امریکی حکام کا کہنا ہے کہ شہری اپنے محفوظ مقامات پر قیام کریں اور صرف انتہائی ضرورت پر باہر نکلیں۔

ڈیڈلائن ختم ہونے سے پہلے ایران سےمثبت جواب ملنےکی توقع ہے، جےڈی وینس

یہ ہدایت نامہ بحرین میں بڑھتی ہوئی کشیدگی اور ممکنہ خطرات کے پیش نظر جاری کیا گیا ہے، تاکہ امریکی شہری محفوظ رہیں اور کسی بھی ہنگامی صورتحال کا سامنا مؤثر طریقے سے کر سکیں۔