بھارت، فوجی ڈرونز میں چینی پرزہ جات کے استعمال سے روک دیا

نئی دہلی: بھارت نے مقامی سطح پر فوجی ڈرون تیار کرنے والوں کو چینی پرزہ جات کے استعمال سے روک دیا ہے، یہ قدم سیکیورٹی خدشات کے باعث اٹھایا گیا ہے۔

بھارت، مودی کیخلاف تحریک عدم اعتماد، بحث کا آغاز، وزیراعظم پر سوالات کی بوچھاڑ

خلیج کے مؤقر انگریزی اخبار عرب نیوز نے برطانوی خبر رساں ایجنسی روئٹرز کے حوالے سے بتایا ہے کہ بھارت و چین جو نہ صرف پڑوسی ہیں بلکہ جوہری طاقت کے بھی حامل ہیں، ایک دوسرے کے ساتھ تناؤ کی کیفیت میں بھی موجود ہیں، اسی وجہ سے یہ اقدام کیا گیا ہے۔

میڈیا کے مطابق بھارت کے دفاعی اور صنعت ماہرین کا اس حوالے سے خیال ہے کہ بھارت کے سیکیورٹی لیڈر اس بات سے پریشان ہیں کہ ڈرونز کمیونیکیشن فنکشنز، کیمروں، ریڈیو ٹرانسمیشن اور آپریٹنگ سافٹ ویئر میں چینی ساختہ پرزوں کے استعمال سے خفیہ اداروں کے اجلاس اور ملاقاتوں کی معلومات لیک ہونے یا اس کی سیکیورٹی پر سمجھوتے کا خدشہ ہے۔

واضح رہے کہ بھارت 2020 سے نگرانی والے ڈرونز پر مرحلہ وار درآمدی پابندیاں عائد کرتا آیا ہے اور اس کا برملا نفاذ فوجی ٹینڈرز میں کیا جا رہا ہے۔

میڈیا کے مطابق ڈرون ٹینڈرز پر فروری اور مارچ میں ہونے والے دو اجلاسوں میں بھارتی فوجی حکام نے ممکنہ بولی دہندگان سے کہا تھا کہ جن ممالک کی زمینی سرحدیں بھارت کے ساتھ ملتی ہیں، ان ممالک کے آلات یا ذیلی اجزا سیکیورٹی وجوہات کی بنا پر قابل قبول نہیں ہوں گے۔

عالمی ادارہ صحت کا عراق بھیجی گئی بھارتی دوا پر الرٹ جاری

ایک ٹینڈر دستاویز میں کہا گیا تھا کہ اس طرح کے ذیلی نظاموں میں سیکیورٹی خامیاں ہیں جو اہم فوجی ڈیٹا کی سیکیورٹی پر اثرانداز ہو سکتی ہیں اور ٹینڈر بھرنے والوں سے مطالبہ کیا گیا تھا کہ وہ بتائیں کہ کس ملک کے اجزا یا آلات کا وہ استعمال کریں گے؟

رپورٹ کے مطابق ایک سینئر دفاعی عہدیدار کا کہنا ہے کہ پڑوسی ممالک کا حوالہ اس لیے دیا گیا تاکہ چین ناراض نہ ہو کیونکہ سائبر حملوں کی تشویش کے باوجود بھارتی صنعت دنیا کی دوسری سب سے بڑی معیشت پر انحصار کرتی ہے۔

واضح رہے کہ چین نے سائبر حملوں میں ملوث ہونے کی تردید کی ہے اور چین کی وزارت تجارت نے بھارت کے حالیہ اقدامات کے بارے میں سوالات کا جواب نہیں دیا۔

لاہور میں ڈرون کے ذریعے ہیروئن بھارت اسمگل کرنیوالا نیٹ ورک بے نقاب

یاد رہے کہ امریکی کانگریس نے 2019 میں پینٹاگون پر چین میں تیار کردہ ڈرون اور پرزے خریدنے یا استعمال کرنے پر پابندی عائد کر دی تھی۔