قومی اسمبلی کے دوسرے پارلیمانی سال کی کارکردگی رپورٹ جاری

فافین کی طرف سے قومی اسمبلی کے دوسرے پارلیمانی سال کی کارکردگی رپورٹ جاری کردی گئی ۔

رپورٹ کے مطابق اسمبلی نے دوسرے سال کے دوران 87 فیصد ایجنڈا مکمل کیا،گزشتہ سال کے مقابلے میں اجلاسوں کی تاخیر میں نمایاں کمی ریکارڈ کی گئی۔

قومی اسمبلی میں نیب ترمیمی بل 2026 کثرتِ رائے سے منظور

پارلیمانی سال کے دوران اسمبلی نے مجموعی طور پر 67 بل منظور کیے،حکومتی قانون سازی کا 58 فیصد انتظامی اور طریقہ کار کے امور پر مشتمل رہا،قانون سازی کے عمل میں عوامی اہمیت کے حامل 42 فیصد بل منظور ہوئے۔

خواتین اراکین کی حاضری اور شرکت مرد اراکین کے مقابلے میں بہتر رہی،اسمبلی میں اوسط حاضری 200 اراکین (60 فیصد) فی نشست رہی۔

وزیراعظم کی حاضری صرف 7 فیصد، قائد حزب اختلاف کی حاضری 100فیصد رہی ،پارلیمانی وقت کا 17 فیصد حصہ ‘پوائنٹس آف آرڈر’ کی نذر ہو گیا۔

38 ہزار سے زائد پاکستانی خلیجی ممالک سے ڈی پورٹ، تفصیلات قومی اسمبلی میں پیش

12فیصد اراکین اسمبلی پورے سال پارلیمانی کارروائی میں مکمل خاموش رہے،وقفہ سوالات میں گزشتہ سال کے مقابلے میں 44 فیصد اضافہ ریکارڈ کیا گیا۔