بھارتی اداکارہ زریں خان کی والدہ انتقال کرگئیں

بالی ووڈ اداکارہ زریں خان کی والدہ پروین خان 65 سال کی عمر میں طویل علالت کے بعد ممبئی میں انتقال کر گئیں۔

بھارتی میڈیا رپورٹس کے مطابق پروین خان گزشتہ کافی عرصے سے صحت کے مسائل کا شکار تھیں اور ان کی طبیعت مسلسل خراب رہنے کے باعث اعضا نے کام کرنا بند کردیا، جس کے نتیجے میں ان کا انتقال ہوا۔

فیصل قریشی کا ’ستارۂ امتیاز‘ نہ ملنے پر طنزیہ بیان

اداکارہ کی ٹیم کی جانب سے جاری کردہ بیان میں کہا گیا کہ زریں خان کی والدہ 8 اپریل 2026 کو پر سکون انداز میں اپنے خالق حقیقی سے جا ملیں۔ بیان کے مطابق مرحومہ کی نمازِ جنازہ ورسووا، ممبئی میں ادا کی گئی، جس میں قریبی اہلِ خانہ اور عزیز و اقارب نے شرکت کی۔

واضح رہے کہ زریں خان نے حالیہ عرصے میں اپنی والدہ کی صحت کے حوالے سے سوشل میڈیا پر مداحوں سے دعاؤں کی اپیل بھی کی تھی۔ اداکارہ نے اس مشکل گھڑی میں مداحوں اور خیر خواہوں کی جانب سے ملنے والی نیک تمناؤں پر شکریہ ادا کیا تھا۔

 

View this post on Instagram

 

A post shared by Zareen Khan 🦄🌈✨👼🏻 (@zareenkhan)

جیجی حدید نے ایپسٹین فائلز میں نام آنے پر خاموشی توڑ دی

زریں خان نے 2010 میں فلم ویر کے ذریعے بالی ووڈ میں اپنے کریئر کا آغاز کیا تھا اور اس کے بعد متعدد فلموں میں اداکاری کے جوہر دکھائے۔ اس افسوسناک خبر کے بعد شوبز حلقوں اور مداحوں کی جانب سے تعزیت کا سلسلہ جاری ہے اور وہ مرحومہ کے لیے دعائے مغفرت کر رہے ہیں۔