امریکی حملوں سے پاور پلانٹس بچانے کیلئے ایرانی وزیر کی ہیومن چین بنانے کا اعلان

ایران میں بڑھتی ہوئی کشیدگی کے درمیان نائب وزیر کھیل علی رضارحیمی نے نوجوانوں، کھلاڑیوں اور فنکاروں سے اپیل کی ہے کہ وہ بجلی گھروں کے گرد “انسانی زنجیریں” بنائیں تاکہ ممکنہ فضائی حملوں کو علامتی طور پر روکا جا سکے۔

ایک ویڈیو پیغام میں انہوں نے کہا کہ یہ اقدام نوجوانوں کی جانب سے پیش کیا گیا ہے اور اس کا مقصد ملک کے اہم انفراسٹرکچر کے تحفظ کا اظہار کرنا ہے۔ اس مہم کو “روشن مستقبل کے لیے ایران کے نوجوانوں کی انسانی زنجیر” کا نام دیا گیا ہے۔

Iranian 🇮🇷 musician Ali Ghasmari & other artists perform outside Damavand power plant after Trump threatens that the US 🇺🇸 & Israel 🇮🇱 plan to target key infrastructure https://t.co/UdZn8QLNHm pic.twitter.com/UWuH3ykH0l

— Saad Abedine (@SaadAbedine) April 7, 2026

انہوں نے طلبہ، اساتذہ اور شہریوں کو منگل کو مقامی وقت کے مطابق دوپہر 2 بجے پاور پلانٹس کے قریب جمع ہونے کی دعوت دی، اور کہا کہ یہ تنصیبات ملک کا قیمتی اثاثہ ہیں جن کا تحفظ ضروری ہے۔

یہ اپیل ایسے وقت میں سامنے آئی ہے جب ڈونلڈ ٹرمپ کی جانب سے ایران کو سخت دھمکیاں دی گئی ہیں۔ امریکی صدر نے خبردار کیا ہے کہ اگر ایران نے آبنائے ہرمز کو دوبارہ نہ کھولا تو بڑے پیمانے پر حملے کیے جا سکتے ہیں۔

ڈونلڈ ٹرمپ نے ایران کے بجلی گھروں اور پلوں کو نشانہ بنانے کی دھمکی دیتے ہوئے کہا کہ یہ حملے کم وقت میں ان تنصیبات کو مکمل طور پر تباہ کر سکتے ہیں۔