ڈرامے کی مقبولیت کے بعد رویے بدل گئے، نعیمہ بٹ نے تلخ تجربات بیان کر دیے

پاکستانی ڈرامہ انڈسٹری کی اداکارہ نعیمہ بٹ نے اپنی زندگی کے ایک مشکل اور غیر متوقع مرحلے کے بارے میں گفتگو کرتے ہوئے انکشاف کیا ہے کہ شہرت کے سفر میں انہیں پیشہ ورانہ سطح پر تنہائی اور نظرانداز کیے جانے جیسے تجربات کا سامنا کرنا پڑا۔

ڈرامہ “کبھی میں کبھی تم” میں ’رباب‘ کے کردار سے نمایاں مقبولیت حاصل کرنے والی اداکارہ نے ایک حالیہ گفتگو میں بتایا کہ ان کی ذاتی زندگی میں ایک افسوسناک واقعہ پیش آیا جس نے انہیں شدید ذہنی صدمے سے دوچار کر دیا۔ ان کے مطابق انہوں نے ایک قریبی عزیز کو کھو دیا، جو ان کے لیے نہایت تکلیف دہ لمحہ تھا۔

رمشا خان سے شادی کی خبروں پر خوشحال خان کا ردعمل سامنے آ گیا

نعیمہ بٹ نے بتایا کہ اس دوران وہ نیویارک میں موجود تھیں، تاہم شوٹنگ کے شیڈول کے باعث انہیں فوری طور پر پاکستان واپس آنا پڑا۔ انہوں نے کہا کہ ذہنی دباؤ کے باوجود انہوں نے اپنی پیشہ ورانہ ذمہ داریاں پوری کرتے ہوئے شوٹنگ مکمل کی۔

View this post on Instagram

A post shared by Lahore & Beyond 🇵🇰 (@lahoreandbeyond_)

اداکارہ کے مطابق سیٹ پر کام کا تجربہ مجموعی طور پر خوشگوار رہا، تاہم جب ان کے کردار کو غیر معمولی پذیرائی ملی اور انہیں مختلف پروگرامز میں شرکت کی دعوتیں ملنے لگیں تو انہیں اپنے ساتھی فنکاروں اور پروڈیوسرز سے زیادہ تعاون کی توقع تھی۔

جیجی حدید نے ایپسٹین فائلز میں نام آنے پر خاموشی توڑ دی

ان کا کہنا تھا کہ انہیں اس کے برعکس صورتحال کا سامنا کرنا پڑا، جس نے انہیں حیران کر دیا۔ نعیمہ بٹ کے مطابق اس دوران وہ خود کو کئی مواقع پر تنہا اور نظرانداز محسوس کرتی رہیں، جو ان کے لیے ایک غیر متوقع اور تلخ تجربہ ثابت ہوا۔