چاند کی جانب انسان کی تاریخی واپسی، 50 سال بعد نئی خلائی دوڑ کا آغاز

واشنگٹن، امریکی خلائی ادارہ ناسا نے اعلان کیا ہے کہ تقریباً 50 سال بعد انسان کو دوبارہ چاند پر بھیجنے کا تاریخی عمل شروع ہو رہا ہے، جس کے تحت Artemis II مشن 2026 میں لانچ کیا جائے گا۔

اس مشن میں چار خلا باز شامل ہوں گے جو چاند کے گرد پرواز کریں گے، تاہم وہ چاند کی سطح پر لینڈ نہیں کریں گے۔

ناسا حکام کے مطابق یہ مشن 1972 کے بعد پہلا موقع ہوگا جب انسان چاند کے اتنے قریب جائے گا اس سے قبل Apollo مشنز کے دوران آخری بار خلا باز چاند پراترے تھے۔

سازگار کمپنی نے ہائبرڈ ایس یو وی متعارف کرنیکا اعلان کر دیا

Artemis II دراصل ایک اہم آزمائشی مرحلہ ہے جس کا مقصد مستقبل میں چاند پر انسانی لینڈنگ کی تیاری کرنا ہے۔

منصوبے کے اگلے مرحلے Artemis III میں خلا بازوں کو چاند کی سطح پر اتارا جائے گا اوراس مشن کی تکمیل 2027 یا 2028 میں متوقع ہے اس کے ذریعے چاند پرمستقل انسانی موجودگی کی راہ بھی ہموار کی جائے گی۔

دوسری جانب چین بھی اس نئی خلائی دوڑ میں بھرپورانداز میں شریک ہے اوراس نے 2030 تک اپنے خلا بازوں کو چاند پر اتارنے کا ہدف مقررکیا ہے۔

ماہرین کا کہنا ہے کہ یہ مقابلہ نہ صرف سائنسی ترقی کو تیز کرے گا بلکہ مستقبل میں چاند کو انسانی تحقیق اور رہائش کے لیے ایک نئے مرکز میں تبدیل کرسکتا ہے۔