بھارتی سیاسی رہنما کا مودی کو استعفیٰ دے کر چائے بیچنے کا مشورہ

نئی دہلی: پہلگام فالس فلیگ حملے کے بعد بھارتی سیاسی رہنما نے مودی کو عہدے سے استعفیٰ دے کر چائے بیچنے کا مشورہ دے دیا۔

بھارت کے ایک سیاسی رہنما نے اپنی ویڈیو میں مودی کو سخت تنقید کا نشانہ بنایا ہے۔ انہوں نے مودی کو وزیر اعظم کے عہدے سے مستعفیٰ ہو کر دوبارہ چائے بیچنے کا مشورہ دے دیا۔

انہوں نے کہا کہ مودی 2016 سے اب تک دہشت گردی کے خاتمے کا دعویٰ کرتے آ رہے ہیں۔ لیکن اب 2025 تک بھی صورتحال ویسی ہی ہے۔

بھارتی سیاسی رہنما نے مودی سرکار کو پلوامہ حملے، آرٹیکل 370 کی منسوخی اور فوج کی سیاست میں مداخلت پر آڑے ہاتھوں لیا۔ انہوں نے وزیر داخلہ امیت شاہ اور قومی سلامتی کے مشیر اجیت ڈوول کو بھی کڑی تنقید کا نشانہ بنایا۔

انہوں نے کہا کہ امیت شاہ ریاستیں خریدنے اور حکومت سازی کی سازشوں میں مصروف ہیں جبکہ اجیت ڈوول خود کو جیمز بانڈ کا پرداد سمجھتے ہیں۔

یہ بھی پڑھیں: پہلگام فالس فلیگ، بھارتی تجزیہ کار نے مودی سرکار کو آئینہ دکھا دیا

سیاسی تجزیہ کاروں کا کہنا ہے کہ اس طرح کے بیانات اس بات کی عکاسی کرتے ہیں کہ مودی حکومت پر بھارت میں اعتماد تیزی سے کم ہو رہا ہے۔ اور عوام ہندوتوا نظریے کے نتائج سے تنگ آ چکے ہیں۔

ان کا کہنا تھا کہ اب وقت آ گیا ہے کہ مودی، امیت شاہ اور اجیت ڈوول کو ان کے عہدوں سے ہٹایا جائے۔ تاکہ بھارت کو فرقہ وارانہ سیاست سے نجات دلائی جا سکے۔