ایران کے جنگ بندی خلاف ورزیوں پر خدشات برقرار ہیں، رضا امیری مقدم

پاکستان میں ایران کے سفیر رضا امیری مقدم نے اپنے پیغام میں کہا ہے کہ بار بار جنگ بندی کی خلاف ورزیوں کے باعث ایرانی عوام میں شکوک و شبہات پائے جاتے ہیں۔

انہوں نے کہا کہ ان خلاف ورزیوں کو ایرانی عوام اسرائیلی حکومت کی جانب سے سفارتی کوششوں کو سبوتاژ کرنے کی کوشش سمجھتے ہیں۔

رضا امیری مقدم کے مطابق معزز وزیر اعظم شہباز شریف کی دعوت پر ایرانی وفد سنجیدہ مذاکرات کیلئے آج رات اسلام آباد پہنچ رہا ہے۔

لبنان پر اسرائیلی حملے، 254 افراد شہید، عالمی رہنماؤں کی جنگ بندی برقرار رکھنے کی اپیل

انہوں نے کہا کہ یہ مذاکرات ایران کی جانب سے پیش کردہ دس نکاتی منصوبے کی بنیاد پر ہوں گے، جن کا مقصد خطے میں کشیدگی کم کرنا اور پائیدار امن کی راہ ہموار کرنا ہے۔