اوشن گیٹ و ٹائٹن کو بھول جائیں، زہرہ سیارے پر جانیکی تیاری کریں، گلرمو سوہنلین کا اعلان

نیویارک: اوشن گیٹ کے شریک بانی گلرمو سوہنلین نے زہرہ سیارے پر انسانوں کو بھیجنے کے عزم کا اعلان کردیا ہے۔

اوشن گیٹ کو خطرات سے خبردار کیا تھا، ٹائی ٹینک فلم کے ڈائریکٹر جیمز کیمرون کا انکشاف

انہوں نے مؤقر ویب سائٹ انسائڈر سے گفتگو کرتے ہوئے تصدیق کی ہے کہ ان کی کمپنی نظام شمسی کے سب سے زیادہ گرم ترین سیارے پر ایک ہزار انسانوں کو بسائے گی۔

واضح رہے کہ گلرمو سوہنلین ’ہیومنز ٹو وینس‘ کمپنی کے بانی اور چیئرمین بھی ہیں۔

واضح رہے کہ گزشتہ ماہ جون میں بحرِ اوقیانوس کی گہرائیوں میں ٹائٹن نامی ایک آبدوز کے لاپتہ ہونے کا انتہائی افسوسناک واقعہ پیش آیا تھا۔

اوشن گیٹ کمپنی کی آبدوز رابطہ منقطع ہونے کے بعد چند دنوں تک لاپتہ رہی تھی جس میں پاکستانی نژاد برطانوی کاروباری شخصیت شہزادہ داؤد اور ان کے نوجوان بیٹے بھی سوار تھے۔ چند دنوں کی کھوج کے بعد آبدوز کا ملبہ مل گیا تھا جس سے اندازہ لگایا گیا کہ آبدوز پھٹنے سے تباہ ہو گئی تھی۔

بحیر اوقیانوس میں غرقاب ہونے والی اوشن گیٹ کی آبدوز میں گلرمو کے دوست اور شریک بانی اسٹاکٹن رش سمیت چار مسافر ہلاک ہوگئے تھے۔

واضح رہے کہ گلرمو سوہنلین نے اس کمپنی کو 2009 میں اسٹاکٹن رش کے ساتھ مل کر بنایا تھا اور پھر 2013 میں کمپنی کے تمام اختیارات ان کے سپرد کر دیے تھے۔

اوشین گیٹ کا دوبارہ زیر سمندر سفر پہ جانے کا اعلان ، اشتہار بھی دے دیا

ویب سائٹ کے مطابق گلرمو سوہنلین نے اپنے نئے مشن کے حوالے سے بات چیت کرتے ہوئے کہا کہ اوشن گیٹ کو بھول جائیں، ٹائٹن کو بھول جائیں، اسٹاکٹن کو بھول جائیں۔

انہوں نے کہا کہ انسانیت کے لیے ایک بہت بڑا بریک تھرو ہونے والا ہے اور ہم اس سے فائدہ اس لیے نہیں اٹھا سکیں گے کیونکہ بطور انسان ہم خود کو بالکل بند کر دیتے ہیں اور خود کو اسٹیٹس کو میں دھکیل دیتے ہیں۔

گلرمو سوہنلین نے کہا انسانوں کو وینس پر بھیجنا ایک بہت اہم منصوبہ ہے لیکن میرے خیال سے ایسا کرنا 2050 تک ممکن ہو سکے گا۔ اس ضمن میں انہوں نے ناسا کی نئی تحقیق کا حوالہ دیتے ہوئے کہا کہ انسانوں کا زہرہ کے ماحول میں رہنا ممکن ہے۔

یاد رہے کہ ناسا کے مطابق وینس پر نہایت زہریلا ماحول ہے جو کاربن ڈائی آکسائیڈ سے بھرا ہوا ہے اور یہ مستقل طور پر گاڑھے اور پیلے رنگ کے سلفورک ایسڈ سے بھرے ہوئے بادلوں سے بھرپور ہے جو گرین ہاؤس ایفیکٹ کو ختم کر دیتا ہے۔

ماہرین کے خیال میں زہرہ پر انسانوں کا رہنا تقریباً نا ممکن ہے لیکن گلرمو سوہنلین کا کہنا ہے کہ نئی ایجادات سے ہی ان مشکلات کو ختم کیا جا سکتا ہے۔

کینیڈا، حادثے کا شکار ہونے والی ٹائٹن آبدوز کے ملبے کیساتھ ممکنہ انسانی باقیات برآمد

گلرمو سوہنلین نے کہا نہ میں انجینیئر ہوں اور نہ ہی سائنسدان ہوں لیکن مجھے اِن دونوں کی صلاحیتوں پر پورا اعتماد ہے، اسی وجہ سے میں پرامید ہوں کہ یہ ہمیں خلا میں پیش آنے والے مسائل سے نمٹنے میں مدد دے سکتے ہیں۔