جنوبی کوریا سے پاکستان کو قرض کی ادائیگی میں ریلیف مل گیا

اسلام آباد: جنوبی کوریا نے پاکستان کو قرضوں میں بڑا ریلیف دیتے ہوئے ایک کروڑ 91 لاکھ ڈالرز سے زائد قرض کی ادائیگی مؤخر کردی ہے۔

صرف چار دن میں ملکی قرضوں میں 252 ارب روپے اضافہ

اس ضمن میں جاری کردہ سرکاری اعلامیے کے مطابق جنوبی کوریا کو ادائیگی چھ سال کی مدت میں کی جائے گی جب کہ رقم کی ادائیگی جولائی اور دسمبر 2021 کے درمیان ہونا تھی۔

سرکاری اعلامیے کے تحت حکومت نے جی 20 قرض مؤخر اقدام کے معاہدے پر دستخط کر دیے ہیں۔ اس اقدام سے ملکی معیشت پر مثبت اثرات مرتب ہوں گے اور زرمبادلہ کے ذخائر میں بھی فوری کمی واقع نہیں ہو گی۔

گردشی قرضوں کا بوجھ 2536 ارب روپے ہو گیا

جاری کردہ اعلامیے کے مطابق پاکستان اب تک 3 ارب 65 لاکھ 30 ہزار ڈالرز قرض کی ادائیگی میں ریلیف حاصل کرچکا ہے۔