میلانیا ٹرمپ نے جیفری ایپسٹین سے تعلقات کی خبروں پر خاموشی توڑ دی

امریکی خاتون اول میلانیا ٹرمپ نے جیفری ایپسٹین سے تعلقات کی خبروں پر خاموشی توڑ دی۔

واشنگٹن میں تقریب سے خطاب کرتے ہوئے میلانیا ٹرمپ نے اپنے اوپر الزامات جھوٹ اور کردار کُشی قرار دیتے ہوئے ایپسٹین اسکینڈل کے متاثرین کے لئے کانگریس سے کھلی سماعت کا مطالبہ کر دیا۔

میلانیا ٹرمپ کی امریکی عوام سے اتحاد اور پُرامن احتجاج کی اپیل

میلانیا ٹرمپ نے کہا کہ ان کے بارے میں پھیلائی جانے والی غلط معلومات فوری طور پر بند ہونی چاہییں۔ سوشل میڈیا پر برسوں سے ان سے متعلق جعلی تصاویر اور بیانات گردش کر رہے ہیں، جن پر یقین کرنے سے گریز کیا جائے۔

میلانیا ٹرمپ نے واضح کیا کہ وہ نہ تو ایپسٹین کی متاثرہ تھیں اور نہ ہی انہوں نے ان کا تعارف ڈونلڈ ٹرمپ سے کروایا۔ انہوں نے کہا کہ وہ اپنے شوہر سے ایپسٹین سے ملاقات سے 2 سال قبل ہی مل چکی تھیں۔