لبنان کا واشنگٹن میں جنگ بندی مذاکرات میں شرکت کرنے کا اعلان

لبنان نے اعلان کیا ہے کہ وہ آئندہ ہفتے واشنگٹن میں ہونے والے جنگ بندی مذاکرات میں شرکت کرے گا، جہاں امریکا اور اسرائیلی نمائندوں کے ساتھ ممکنہ سیزفائر پر بات چیت کی جائے گی۔

ایک سینئر لبنانی عہدیدار نے بتایا کہ اجلاس کی حتمی تاریخ تاحال طے نہیں ہوئی، تاہم لبنان کا مؤقف واضح ہے کہ وسیع تر معاہدے کے لیے جنگ بندی بنیادی شرط ہونی چاہیے۔

عہدیدار کے مطابق لبنان کسی بھی بڑے سیاسی یا سکیورٹی معاہدے سے قبل فوری سیزفائر چاہتا ہے تاکہ خطے میں کشیدگی کم کی جا سکے اور مذاکرات کے لیے سازگار ماحول پیدا ہو۔

یہ پیش رفت ایسے وقت میں سامنے آئی ہے جب مشرق وسطیٰ میں پائیدار امن کے لیے ایران اور امریکا کے درمیان اسلام آباد میں مذاکرات ہو رہے ہیں۔