مشرق وسطیٰ میں امن کیلئے کوششیں، اقوام متحدہ کے خصوصی ایلچی ایران پہنچ گئے

تہران، اقوام متحدہ کے سیکرٹری جنرل کے مشرق وسطیٰ کے لیے خصوصی ایلچی ایران پہنچ گئے ہیں تاکہ خطے میں جاری تنازعات کے جامع اور پائیدار حل کی کوششوں کی حمایت کی جا سکے۔

خبر ایجنسی کے مطابق ایلچی اس وقت مشرق وسطیٰ کے مختلف ممالک کا دورہ کر رہے ہیں تاکہ وہاں کے سیاسی رہنماؤں سے ملاقاتیں اور تبادلہ خیال کریں۔

اقوام متحدہ کے عہدیدار نے کہا کہ ان کے دورے کا بنیادی مقصد خطے میں دیرپا امن کے قیام کے لیے متعلقہ فریقین کے درمیان مذاکرات کی حوصلہ افزائی کرنا اور ممکنہ حل کی راہیں تلاش کرنا ہے۔

آبنائے ہرمز کے انتظام و انصرام کو فعال انداز میں کنٹرول کیا جائے گا، ایرانی مسلح افواج

انہوں نے مزید کہا کہ ایران سمیت دیگر ممالک کے ساتھ قریبی رابطہ قائم کرنا اور باہمی اعتماد کی فضا قائم کرنا اس مشن کی اہم ترجیح ہے۔

ماہرین کے مطابق اس دورے سے خطے میں سیاسی کشیدگی کم کرنے اورایران سمیت مشرق وسطیٰ میں امن قائم کرنے کی کوششوں کو تقویت مل سکتی ہے، جو عالمی استحکام کیلئے بھی اہم ہے۔