رمشا خان سے شادی کی خبروں پر خوشحال خان کا ردعمل سامنے آ گیا

پاکستانی شوبز انڈسٹری کے اداکار خوشحال خان نے اداکارہ رمشا خان سے خفیہ شادی کی خبروں پر اپنا ردعمل دے دیا ہے۔

تفصیلات کے مطابق سوشل میڈیا پر ایک نجی پلیٹ فارم کی جانب سے دعویٰ سامنے آیا تھا کہ دو مشہور اداکاروں نے خفیہ طور پر شادی کر لی ہے، اگرچہ اصل خبر میں کسی نام کا ذکر نہیں تھا، لیکن صارفین اور پیجز نے قیاس آرائیوں کے بعد اس جوڑی کو رمشا خان اور خوشحال خان قرار دینا شروع کر دیا تھا، جس سے افواہوں نے زور پکڑ لیا تھا۔

جیجی حدید نے ایپسٹین فائلز میں نام آنے پر خاموشی توڑ دی

تاہم ان افواہوں کے جواب میں خوشحال خان نے اپنے سوشل میڈیا اکاؤنٹ کے ذریعے وضاحت دیتے ہوئے کہا کہ ہو گئی کلاؤٹ چیزنگ، اب کام پر واپس آئیں۔

واضح رہے کہ دونوں اداکار اپنی اداکاری اور اسکرین پر موجود کیمسٹری کے باعث خاصی مقبولیت رکھتے ہیں، جس کے باعث ان کے حوالے سے قیاس آرائیوں نے مزید توجہ حاصل کی۔

خوشحال خان اور ماورا حسین پہلی بار ایک ساتھ، ڈرامہ “ونٹر لو” کا ٹیزر وائرل

تاہم خوشحال خان کے بیان کے بعد اس معاملے پر پھیلنے والی افواہوں میں واضح کمی متوقع ہے۔