مارچ 2022 میں پیٹرولیم مصنوعات کی قیمتوں کا موجودہ نرخوں سے موازنہ

ملک میں پیٹرولیم مصنوعات کی قیمتوں میں بڑا اضافہ ہو گیا ہے۔

مارچ 2022 میں پاکستان میں پیٹرولیم مصنوعات کی قیمتیں موجودہ قیمتوں کے مقابلے میں بہت کم تھیں۔

مارچ 2022 میں برینٹ کروڈ آئل کی اوسط قیمت تقریباً 117 ڈالر فی بیرل رہی، جبکہ اسی ہفتے 8 مارچ کے قریب قیمت 110 سے 120 ڈالر فی بیرل کے درمیان رہی، جو روس یوکرین جنگ کے باعث تیزی سے بڑھی تھی،آٹھ مارچ کو عالمی منڈی میں امریکی تیل کی قیمت 128 روپے فی بیرل تھی۔

8 مارچ 2022 کے آس پاس پاکستان میں پیٹرولیم قیمتیں کچھ اس طرح تھیں، پیٹرول تقریباً 149.86 روپے فی لیٹر جبکہ ہائی اسپیڈ ڈیزل تقریباً 144.15 روپے فی لیٹر تھا۔

گزشتہ روز عالمی منڈی میں خام تیل کی قیمت 108.28 ڈالر فی بیرل تھی، اگر موجودہ امریکی اور برطانوی خام تیل کی قیمتوں کو دیکھا جائے تو اس وقت یہ قیمتیں تقریباً 2022 مارچ کے نرخوں کے برابر ہیں لیکن پاکستان میں آج تین اپریل کو پیٹرول 458.49 روپے فی لیٹر جبکہ ڈیزل 520.35 روپے فی لیٹر ہو چکا ہے۔

اس اضافے کو مشرقِ وسطیٰ میں کشیدگی قرار دیا جا رہا ہے، دوسری جانب آئی ایم ایف کے دباؤ کی وجہ سے بھی پیٹرولیم لیوی میں مزید اضافہ کر دیا گیا ہے۔

پیٹرول پر لیوی میں 55 روپے فی لیٹر اضافہ کیا گیا ہے، پیٹرول پر لیوی بڑھ کر 160.61 روپے ہوگئی ہے، اس سے پہلے پیٹرولیم لیوی 106 روپے فی لیٹر تھی۔

پیٹرولیم قیمتوں میں اضافہ لاہور ہائیکورٹ میں چیلنج، قیمتوں کا عالمی موازنہ بھی پیش

ہائی اوکٹین پر لیوی 305 روپے 37 پیسے فی لیٹر کردی گئی ، مٹی کےفی لیٹر تیل پر لیوی 20 روپے 36 پیسے ہو گئی ، لائٹ ڈیزل پر لیوی 15 روپے 84 پیسے ہوگئی ہے۔

فرنس آئل پر لیوی 77 روپے فی میٹرک ٹن مقرر کی گئی ہے، رواں مالی سال پیٹرولیم لیوی کا ہدف ایک ہزار 468 ارب روپے مقر ر کیا گیا ہے۔