سال 2026 کا پہلا بلڈ مون کب نمودار ہوگا؟

سال 2026 کا پہلا مکمل چاند گرہن، جسے عام طور پر ’بلڈ مون‘ یا ’خونی چاند‘ کہا جاتا ہے، 3 مارچ کو رونما ہوگا، اور پاکستان کے مختلف شہروں میں اسے جزوی طور پر دیکھا جا سکے گا۔

محکمہ موسمیات پاکستان کے مطابق یہ فلکیاتی واقعہ نہ صرف دلچسپی کا باعث ہوگا بلکہ اگلے چند سالوں تک پاکستان میں اس کا مشاہدہ ممکن نہیں ہو گا۔ ماہرین کے مطابق اگلا مکمل چاند گرہن 31 دسمبر 2028 سے قبل متوقع نہیں ہے۔

ناسا سائنسدان نے خلائی مخلوق کی موجودگی پر اہم بیان جاری کر دیا

گرہن کا آغاز دوپہر 1:44 بجے ہوگا، جب چاند زمین کے نیم سائے میں داخل ہوگا، جبکہ مکمل گرہن کا مرحلہ 4:05 بجے شروع ہو کر 4:34 بجے اپنے عروج پر پہنچے گا۔ اس دوران چاند زمین کے ماحول میں سورج کی روشنی کے بکھرنے کی وجہ سے سرخی مائل یا نارنجی رنگ اختیار کرے گا، جو آسمان شائقین کے لیے ایک دلکش منظر پیش کرے گا۔

مکمل گرہن کا مرحلہ شام 5:03 بجے ختم ہونا شروع ہوگا، اور پورا عمل 7:23 بجے تک مکمل ہو جائے گا۔ ماہرین نے شوقیہ مبصرین کو بہتر نظارے کے لیے صاف آسمان والی جگہ اور اگر ممکن ہو تو دوربین یا مناسب فلٹرز استعمال کرنے کی ہدایت دی ہے۔

آسمان پر ایک ساتھ 6 سیارے دیکھنے کا موقع

یہ فلکیاتی منظر نہ صرف پاکستان بلکہ ایشیا، آسٹریلیا، شمالی و جنوبی امریکہ سمیت دنیا کے دیگر حصوں میں بھی دیکھا جا سکے گا، اور ماہرین کے مطابق یہ شوقیہ ناظرین کے ساتھ ساتھ سائنسدانوں کے لیے چاند اور اس کے مدار کے مطالعے کا بہترین موقع فراہم کرے گا۔