برطانیہ: لندن جانے والی ٹرین میں چاقو سے حملہ، 10 افراد زخمی، 9 کی حالت سنگین

لندن جانے والی ایک ٹرین میں چاقو کے حملے کے نتیجے میں 10 افراد شدید زخمی ہو گئے، جن میں سے 9 کی حالت سنگین ہے۔

برطانیہ کی ٹرانسپورٹ پولیس کے مطابق واقعے میں ملوث 2 افراد کو گرفتار کر لیا گیا۔ پولیس نے اسے “اہم واقعہ” قرار دیتے ہوئے مزید تحقیقات شروع کر دی ہیں تاکہ حملے کے محرکات اور مکمل حالات معلوم کیے جا سکیں۔

واقعے کے بعد کاؤنٹر ٹیررازم پولیس بھی تحقیقات میں شامل ہو گئی ہے۔

حملہ ڈونکاسٹر سے لندن کنگز کراس جانے والی ٹرین پر ہنٹنگڈن کے قریب پیش آیا۔ ہنگامی خدمات، مسلح پولیس اور ایئر ایمبولینسز نے فوری طور پر پہنچ کر واقعے کو کنٹرول کیا۔

CODE PLATO: Huntingdon Train Stabbing Incident Update as of November 2, 2025

On November 1, 2025, a mass stabbing occurred aboard a London North Eastern Railway (LNER) Azuma train stopped at Huntingdon station, Cambridgeshire, United Kingdom (British Transport Police [BTP],… pic.twitter.com/HQjwwu6els

— Vanilla Gorilla (@VanillaGorilaX) November 2, 2025

برطانوی وزیر اعظم کئیر اسٹارمر نے واقعے پر گہرے صدمے کا اظہار کرتے ہوئے متاثرین کے لیے اپنی ہمدردیاں پیش کیں۔

ٹرین آپریٹر لندن نارتھ ایسٹرن ریلوے (LNER) نے بھی مسافروں کو سفر سے گریز کرنے کی ہدایت دی کیونکہ واقعے کی وجہ سے سروس میں شدید خلل پیدا ہوا ہے۔