مرغی کے گوشت کی قیمت میں 35 روپے اضافہ، سبزیوں اور پھلوں کے نئے ریٹ بھی مقرر

لاہور، برائلر مرغی کے گوشت کی قیمت میں اضافہ ہو گیا، انتظامیہ نے سبزیوں اور پھلوں کے نئے ریٹ بھی مقرر کر دیے ہیں۔

برائلر مرغی کے فی کلو گوشت کی قیمت میں 35 روپے اضافہ ہوا ہے، گوشت کی نئی فی کلو قیمت 463 روپے مقرر کر دی گئی ہے۔

زندہ برائلرمرغی کا تھوک ریٹ 307 روپے فی کلو جبکہ پرچون ریٹ 319 روپے فی کلو مقرر کیا گیا ہے، فارمی انڈوں کی فی درجن قیمت 262 روپے کی سطح پر برقرار ہے۔

ملزمالکان کا سرکاری گندم خریدنے سے انکار

گزشتہ روز پرچون سطح پر فی کلو برائلر گوشت کی قیمت میں 10روپے کمی ہوئی، زندہ برائلر مرغی کی قیمت میں 7روپے کمی ہوئی لیکن آج 35 روپے فی کلو کا اضافہ ہو گیا۔

لاہور انتظامیہ کی جانب سے سبزیوں اور پھلوں کے نئے سرکاری ریٹ جاری کر دیے گئے ہیں، جس کے مطابق پیاز درجہ اول کی فی کلو قیمت 85روپے، آلوکی 75 روپے، ٹماٹر 50 روپے، سبز مرچ کی 95 روپے فی کلو قیمت مقرر کی گئی ہے۔

ادرک کی قیمت550 روپے، لہسن کی 640 روپے، کھیرا فارمی 45 روپے فی کلو، میتھی 130، بینگن کی فی کلو قیمت50 روپے، پھول گوبھی کی قیمت 90 روپے اور شلجم کی قیمت 43 روپے فی کلومقرر کی گئی ہے۔

کراچی، آٹے، چینی اور روٹی کی سرکاری قیمت مقرر، نوٹیفکیشن جاری

شملہ مرچ کی قیمت 80 روپے فی کلو، لیموں دیسی کی قیمت 590 روپے فی کلو، مٹر کی200 روپے فی کلو، گھیا کدو کی 60 روپے فی کلو، گاجر چائینہ کی 50 روپے فی کلو، کریلے کی 65 روپے فی کلومقرر کی گئی ہے۔

سیب کالا کولو کی 300 روپے کلو، امرود کی 215روپے فی کلو، اسٹرابیری کی 125 روپے فی کلو، خربوزہ کی 65 روپے فی کلو، گرماکی 75 روپے، تربوزکی 30 روپے، کھجور ایرانی کی 450 روپے فی کلوجبکہ درجہ اول کیلے کی فی درجن قیمت 145 روپے مقرر کی گئی ہے۔