مرغی کا گوشت مزید سستا،438 روپے کلو ہو گیا

لاہور، برائلر مرغی کا گوشت مزید سستا ہو گیا، فی کلو قیمت میں 32 روپے کی کمی ہو گئی۔

برائلر مرغی کے فی کلو گوشت کی نئی قیمت 438 روپے مقرر کر دی گئی، گذشتہ روز برائلر گوشت کی قیمت 470 روپے فی کلو تھی۔

چھ دن کے اندر گوشت مزید سستا مزید سستا ہو گیا، اس دوران برائلر مرغی کے گوشت کی قیمت میں 142 روپے فی کلو کمی ہوئی ہے، زندہ برائلر مرغی کا تھوک ریٹ 291 روپے کلو ہے۔

موجودہ حکومت کے دوسرے ماہ بھی گندم درآمد کیے جانے کا انکشاف

پرچون میں زندہ برائلر مرغی کی فی کلو قیمت 302 روپے مقرر کی گئی ہے، انڈوں کی قیمت 254 روپے فی درجن کی سطح پر برقرارہی۔

لاہور انتظامیہ کی جانب سے سبزیوں اور پھلوں کے نئے سرکاری ریٹ بھی جاری کر دیے گئے ہیں، پیاز درجہ اول 110 روپے کلو، آلو 75، ٹماٹر 95، سبز مرچ کی قیمت 95 روپے فی کلو مقرر کی گئی ہے۔

ادرک 585 روپے کلو، لہسن 640 روپے اور کھیرا فارمی 45 روپے فی کلو،میتھی 130 روپے کلو، بینگن 80 روپے، پھول گوبھی 140 اور شلجم کی قیمت 30 روپے فی کلو مقرر کی گئی ہے۔

پاکستان کو عالمی بینک سے 8 ارب ڈالرز ملنے کی توقع، مذاکرات شروع

شملہ مرچ 50 روپے، لیموں چائنہ 230 روپے کلو،مٹر 220، گھیا کدو 80، گاجر چائینہ 50، کریلا 110 روپے فی کلو میں فروخت ہو رہا ہے۔

سیب کالا کولو کا نرخ 290 روپے، امرود 150، اسٹرابیری 100 روپے فی کلو،خربوزہ 80، گرما 70، تربوز 38، کھجور ایرانی کا نرخ 450 روپے فی کلو ہے جبکہ کیلا درجہ اول فی درجن 135 روپے میں دستیاب ہے۔